Дар Вена брифинг оид ба омодагӣ ба Конфронси 4-уми оби Душанбе баргузор гардид

ДУШАНБЕ, 28.02.2026 /АМИТ «Ховар»/. 27 феврал дар шаҳри Вена дар доираи ҷаласаи Кумитаи иқтисодӣ ва муҳитизистии Созмони амният ва ҳамкорӣ дар Аврупо (САҲА), брифинг оид ба омодагӣ ба Конфронси 4-уми оби Душанбе доир шуд. Дар ин хусус ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.

Дар брифинг аз ҷониби Сафири Фавқулода ва Мухтори Ҷумҳурии Тоҷикистон дар Ҷумҳурии Австрия, Намояндагии доимии Тоҷикистон дар назди Созмони амният ва ҳамкорӣ дар Аврупо Манучеҳр Ҷобир ба ҳозирин маълумоти муфассал оид ба рафти омодагӣ ба Конфронси 4-уми байналмилалии сатҳи баланд оид ба Даҳсолаи байналмилалии амал «Об барои рушди устувор», 2018-2028, ки 25-28 майи соли 2026 дар шаҳри  Душанбе баргузор мешавад, маълумот дод.

Дар идома намояндагони кишварҳои иштирокдори Созмони амният ва ҳамкорӣ дар Аврупо даъват шуданд,  ки  дар кори конфронси мазкур фаъолона иштирок намоянд.

АКС: Вазорати корҳои хориҷии Ҷумҳурии Тоҷикистон