ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
ДУШАНБЕ, 04.06.2025. /АМИТ «Ховар»/. Дар Муассисаи давлатии фарҳангию фароғатии «Аҳорун» бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии шаҳри Душанбе моҳвораи ҷавонон ҷамъбаст гардида, ғолибони мусобиқаву озмунҳое, ки дар доираи он баргузор гардида буд, қадрдонӣ карда шуданд. Дар ин хусус ба АМИТ «Ховар» аз Кумитаи кор бо ҷавонон ва варзиш хабар доданд.
Пеш аз оғози чорабинӣ ҳайати иштирокчиёни маросими фарҳангӣ бо намоиши дастовардҳои соҳаи кор бо ҷавонон ва варзиши пойтахт шинос шуданд.
Иброз гардид, ки баргузории силсила чорабиниҳо барои ҳавасмандсозию дастгирии ҷавонон дар доираи моҳвораи ҷавонӣ дар тамоми қаламрави мамлакат гувоҳи равшани таваҷҷуҳи хоси давлату Ҳукумати мамлакат ба ҷавонон аст.
Дар идома ба ғолибони Озмуни ҷумҳуриявии «Донишҷӯи сол», ки дар интиҳои моҳвораи ҷавонон натиҷагирӣ гардид, дар фазои тантанавӣ диплом, маблағҳои пули ва ба чанде аз фаъолони соҳа, инчунин ба якчанд сохторҳое, ки дар татбиқи сиёсати давлати ҷавонон саҳмгузоранд, туҳфаҳои хотиравӣ супорида шуд.
Ҳамзамон бахшида ба моҳвораи ҷавонон аз ҷониби як қатор сохторҳо чанде аз кормандони соҳаи кор бо ҷавонон ва варзиш бо «Ифтихорнома», медалҳои сари синагӣ ва ҷоизаҳои соҳавию давлатӣ сарфароз гардонида шуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон








Дар Душанбе бахшида ба Рӯзи Конститутсия конференсияи ҷумҳуриявӣ доир шуд
БЕМОРИИ ПӮСТ – ПСОРИАЗ. Оё он табобатшаванда аст?
Дар Тоҷикистон таъсиси Маркази тайёркунии муҳандисони лифт дар назар дошта шудааст
РӮЗИ ҶАҲОНИИ МУБОРИЗА БАР ЗИДДИ БЕМОРИИ ИНСУЛТ. Чаро инсонҳо ба ин беморӣ гирифтор мешаванд?
Дар Душанбе масъалаи татбиқи Барнома оид ба меҳнати шоиста барои солҳои 2025–2026 баррасӣ гардид
Соли равон дар вилояти Суғд таъмир ва сохтмони беш аз 100 муассисаи тандурустӣ ба нақша гирифта шудааст
Дар Душанбе Форуми ёздаҳуми миллӣ оид ба волоияти қонун баргузор мешавад
Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
26 ОКТЯБР-РӮЗИ КОРМАНДОНИ МАҚОМОТИ СУДӢ. Онҳо дар таҳкими қонуният ва ҳифзи ҳуқуқу озодиҳои инсон нақши муҳим доранд
Дар Душанбе оид ба риояи дурусти қоидаҳои бехатарӣ ҳангоми заминларза корҳои фаҳмондадиҳӣ гузаронида шуданд
Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
Дар Маркази касбомӯзӣ ва хизматрасонии ноҳияи Восеъ аз рӯи 5 ихтисос мутахассисон омода карда мешаванд






