Дар Бонки миллӣ бо ҳайати Агентии рейтингии байналмилалии «Standard & Poor’s» вазъи низоми бонкӣ баррасӣ шуд

Июль 16, 2025 09:16

ДУШАНБЕ, 16.07.2025 /АМИТ «Ховар»/. Вазъи низоми бонкӣ, сиёсати пулию қарзӣ ва динамикаи нишондиҳандаҳои оморӣ аз масъалаҳое буданд, ки дар мулоқоти Раиси Бонки миллии Тоҷикистон Фирдавс Толибзода бо ҳайати таҳлилгарони Агентии байналмилалии рейтингии «Standard & Poor’s» хонум Ҷулия Филока ва Роман Рибалкин дар шаҳри Душанбе баррасӣ шуданд. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.

Ҷонибҳо ҳамзамон доир ба нигоҳ доштани сатҳи таваррум дар доираи нишондиҳандаҳои пешбинишуда, таъмини суботи молиявии мамлакат, нишондиҳандаҳои монетарию фискалӣ, татбиқи реҷаи ҳадафгирии таваррум ва идоракунии захираҳои байналмилалӣ табодули назар намуданд.

Новобаста ба фазои мураккаби сиёсию иқтисодии ҷаҳон дар Тоҷикистон рушди босуботи иқтисодию молиявӣ таъмин мешавад. Дар робита ба ин зимни таҳияи рейтинги навбатӣ бояд хусусияти минтақа ва давлат, афзоиши маҷмуи маҳсулоти дохилӣ ва даромаднокии низоми бонкӣ, таҳким ва рушди идоракунии захираҳои байналмилалӣ ва ислоҳоти бароҳмонда ба инобат гирифта шавад.

Раванди интишори рейтинги кредитии соҳибихтиёрии Ҷумҳурии Тоҷикистон аз ҷониби Бонки миллии Тоҷикистон ҳамасола бо Агентии байналмилалии рейтингии «Standard & Poor’s» гузаронида мешавад.

АКС: Бонки миллии Тоҷикистон

Июль 16, 2025 09:16

Хабарҳои дигари ин бахш

«ЗАБОНИ МИЛЛАТ — ҲАСТИИ МИЛЛАТ». Дар «Саноатсодиротбонк» бахшида ба Рӯзи забони давлатӣ ҳамоиш доир гардид
ҚУРБИ АСЪОР: 1 доллари ИМА аз 9.3307 то 9.3800 сомонӣ муқаррар шудааст
«Амонатбонк» дар доираи панҷсолаи рушди иқтисоди рақамӣ конфронси илмӣ-амалӣ баргузор намуд
Аз 22 октябр дар Тоҷикистон «Низоми ягонаи суғуртаи электронӣ» ба фаъолият оғоз менамояд
ҚУРБИ АСЪОР: 1 рубли русӣ аз 0.1150 то 0.1120 сомонӣ муқаррар шудааст
Пешрафти Тоҷикистон тибқи чор самти афзалиятноки Барномаи ОИС-2025 дар Форуми бонкҳои марказии СҲИ арзёбӣ гардид
ҚУРБИ АСЪОР: 1 евро аз 11.0219 то 10.8000 сомонӣ муқаррар шудааст
Бонки миллии Тоҷикистон ҳамкориро бо Бонки марказии Туркия тақвият медиҳад
ҚУРБИ АСЪОР: 1 доллари ИМА аз 9.3983 то 9.4000 сомонӣ муқаррар шудааст
ҚУРБИ АСЪОР: 1 рубли русӣ аз 0.1125 то 0.1120 сомонӣ муқаррар шудааст
Дар Бонки миллии Тоҷикистон бозомӯзии кормандони бонкҳои марказии аъзои Шурои бонкҳои марказии АвруОсиё доир гардид
Имрӯз дар водиҳои Тоҷикистон ҳаво то 31 дараҷа гарм мешавад