Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
ДУШАНБЕ, 10.07.2025 /АМИТ «Ховар»/. Дар фароғатгоҳи иттифоқи касабаи соҳаи маорифи шаҳри Панҷакент, ки дар мавзеи хушобу ҳавои «Чиларча»-и Ҷамоати деҳоти Саразм воқеъ аст, 100 нафар хонандагони муассисаҳои таълимии шаҳр ба истироҳат фаро гирифта шудаанд. Дар ин хусус ба АМИТ«Ховар» аз Мақомоти иҷроияи ҳокимияти давлатии шаҳри Панҷакент хабар доданд.
Тавре иттилоъ дода шуд, дар давраи таътили тобистона дар се навбат дар «Чиларча» 300 нафар хонандагон ба истироҳат фаро гирифта мешаванд.
Бояд гуфт, ки имсол бо дастгирии Мақомоти иҷроияи маҳаллии ҳокимияти давлатии шаҳри Панҷакент, шуъбаи маориф ва иттифоқи касабаи соҳа дар ин мавзеъ барои истироҳати хонандагон ҳамаи шароити зарурӣ муҳайё шудааст. Истироҳаткунандагон рӯзе чор маротиба бо хӯроки серғизо таъмин буда, дар хобгоҳи барҳаво истироҳат менамоянд.
Майдончаи варзишӣ, ҳавзи шиноварӣ низ дар ихтиёри хонандагон буда, онҳо тибқи реҷа бо роҳнамоии мураббияҳо ба мусобиқаҳои варзишӣ, шеърхонӣ, расмкашӣ, мутолиаи адабиёти бадеӣ ва шоҳмоту шашкабозӣ машғул мешаванд. Вазъи саломатии онҳо зери назорати духтур қарор дорад.
АКС: Мақомоти иҷроияи ҳокимияти давлатии шаҳри Панҷакент
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад
Бахшида ба рӯзи таъсиси «Телевизиони Тоҷикистон» ҳамоиши илмӣ баргузор шуд
Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
«ПАРЧАМБАРДОРОНИ ПЕШВОИ МИЛЛАТ». Дар Донишгоҳи технологии Тоҷикистон таҳти чунин унвон ҳамоиш доир шуд
Имрӯз дар шаҳри Душанбе ҳаво то 26 дараҷа гарм мешавад
Оид ба рақамикунонӣ ва зеҳни сунъӣ дар хизмати идоракунии давлатӣ конфронси ҷумҳуриявӣ доир шуд
