Дар истироҳатгоҳи «Чангоб»- и шаҳри Ҳисор барномаҳои гуногуни шавқовар доир карда мешаванд

Июль 1, 2025 18:00

ДУШАНБЕ, 01.07.2025. /АМИТ «Ховар»/. Дар басти якуми истироҳатгоҳи маърифатӣ ва фароғатии «Чангоб»-и шаҳри Ҳисор беш аз 190 нафар кӯдакону наврасон ба истироат фаро гирифта шудаанд. Аз ҷумла, тарбиятгирандагони Мактаб-интернатҳои ҷумҳуриявии ятимони ноҳияҳои Сангвору Ҷалолиддини Балхӣ ва кӯдакони Мактаб-интернати ҷумҳуриявии кӯдакони ношунавои ноҳияи Рӯдакӣ, Мактаб-интернати ҷумҳуриявии кӯдакони нобинои шаҳри Ҳисор дар ин макони хушбоду ҳаво истироҳат доранд. Дар ин хусус Директори истироҳатгоҳи «Чангоб»- и шаҳри Ҳисор Карим Икромов ба хабарнигори минтақавии АМИТ «Ховар» Субҳониддини Маҳмуд иттилоъ дод.

Истироҳатгоҳи маърифатию фароғатии «Чангоб», ки дар деҳаи Чангоби Ҷамоати деҳоти Хонақоҳи кӯҳии шаҳри Ҳисор воқеъ аст, солҳои 60 сохта шудааст ва бо номи «Айболит» фаъолият мекарду ҳазорҳо нафар мактаббачагонро ба истироҳат фаро мегирифт.

Бо дастгирии Мақомоти иҷроияи ҳокимияти давлатии шаҳри Ҳисор истироҳатгоҳ таъмиру навсозӣ гардида, он дорои бунгоҳи тиббӣ, ҳавзи шиноварӣ, майдончаҳои варзишӣ, ошхона ва хобгоҳҳои муосир мебошад. Дар ин макони фароғатӣ омӯзгорони ботаҷриба барои назорати истироҳаткунандагон фаъолият намуда, мураббияҳо аз рӯйи барномаи таълимию фароғатии истироҳатгоҳ кӯдакону наврасонро ба ватандӯстию худшиносии миллӣ роҳнамоӣ менамоянд.

Тавре масъулини истироҳатгоҳи «Чангоб» иброз намуданд, кӯдакону наврасон дар як баст 12 рӯз истироҳат менамоянд. Барои ҳар нафари онҳо аз ҳисоби Иттифоқҳои касабаи соҳаҳои гуногуни ҷумҳурӣ маблағгузорӣ мешавад. Онҳо бо чор вақт хӯроки гарм таъмин буда, пайваста зери назорати табибону омӯзгорон қарор доранд. Барои кӯдакон тамоми имкониятҳо ҷиҳати истироҳати хуш, рушди зеҳнӣ, омӯзиши малакаҳои нави ҳаётӣ ва баргузории чорабиниҳои фарҳангӣ, варзишӣ ва таълимӣ муҳайё гардидааст. Ҳамчунин бехатарии онҳо ҳангоми варзиш, оббозӣ ва дигар машғулиятҳо пурра таъмин карда шудааст.

Тавре масъулини истироҳатгоҳи «Чангоб» баён доштанд, имсол истироҳатгоҳ дар ду буст пурра фаъолият менамояд, дар мавриди пайдо гардидани сарчашмаҳои маблағгузорӣ ва ҷалби кӯдакон ба истироҳат, истироҳатгоҳ метавонад дар басти сеюм ҳам фаъолият намояд.

Дар назди муассисаҳои таълимӣ, кӯдакистонҳо ва мактабҳои варзишии шаҳри Ҳисор зиёда аз 5190 нафар хонанда ба истироҳату солимгардонӣ ҷалб шудаанд. Дар истироҳатгоҳи «Файзи Истиқлол» 50 нафар хонандагони шаҳри Ҳисор истироҳат доранд.

АКС: АМИТ «Ховар»

Июль 1, 2025 18:00

Хабарҳои дигари ин бахш

Филми ҳунарии «Моҳӣ дар шаст» дар кинофестивали байналмилалии «Шилингел» дар Олмон намоиш дода шуд
Тоҷикистон мизбони ҷаласаи Шурои сарони кишварҳои аъзои Иттиҳоди Давлатҳои Мустақил мегардад
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад
Бахшида ба рӯзи таъсиси «Телевизиони Тоҷикистон» ҳамоиши илмӣ баргузор шуд
Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
«ПАРЧАМБАРДОРОНИ ПЕШВОИ МИЛЛАТ». Дар Донишгоҳи технологии Тоҷикистон таҳти чунин унвон ҳамоиш доир шуд