Дар шаҳри Душанбе мусобиқаи «Шоми бокс» баргузор мешавад
ДУШАНБЕ, 17.07.2025 /АМИТ «Ховар»/. Шаҳри Душанбе мизбони мусобиқаи «Шоми бокс» мегардад. Мусобиқа 22 июли соли 2025 дар Қасри теннис ва маҷмааи варзиши обии шаҳри Душанбе баргузор мешавад. Дар ин хусус сардори Раёсати кор бо ҷавонон ва варзиши шаҳри Душанбе Раҷабалӣ Бобохонзода ба шореҳи варзиши АМИТ «Ховар» хабар дод.
Варзишгари тоҷик Баҳодур Усмонов 22 июл дар шаҳри Душанбе дар мусобиқаи «Winline. IBA.PRO 8» бо намояндаи Камерун Кристофер Муафо рӯ ба рӯ мешавад.
Баҳодур Усмонов чемпиони Осиё дар соли 2019 ва дорандаи медали биринҷии Чемпионати ҷаҳон дар соли 2023 мебошад, ки барои ҳимояи унвони қаҳрамонии IBA.PRO Intercontinental дар вазни сабук бар зидди Кристофер Муафо (11-1, КО 6 ) аз Камерун, ки дар зинаи панҷуми раддабандии WBO қарор дорад, мубориза мебарад. Ин набард аз 10 раунд иборат буда, рақобати асосии мусобиқа маҳсуб мешавад. Он дар доираи Форуми байналмилалии иқтисодии Осиёи Марказӣ баргузор мегардад.
Дар набардҳои охираш Баҳодур Усмонов охири моҳи май дар шаҳри Душанбе дар мусобиқаи «IBA.PRO 6» дар раунди сеюм муштзани Филиппин Алберт Пагаруро (35- 2, КО 24) нокаут карда, унвонҳои IBA.PRO Intercontinental ва WBA Gold-ро дар вазни сабук соҳиб шуда буд. Кристофер Муафои 29-сола дар Швейтсария зиндагӣ мекунад ва аксари набардҳои касбии худро дар ҳамин давлат баргузор кардааст. Дар моҳи сентябри соли 2024 Кристофер Муафо камарбанди WBO Global-ро ба даст оварда буд.
Дар рақобати дуюми муҳими мусобиқаи «Winline. IBA.PRO 8» дорандаи медали биринҷии Бозиҳои тобистонаи олимпии Париж- 2024 Давлат Болтаев барои унвони IBA.PRO Intercontinental бо муштзани Нигерия Соломон Адебайо (14- 0, КО 13) дар муборизаи 8-раунда рақобат хоҳад кард.
Бояд гуфт, ки моҳи майи имсол Давлат Болтаев дар мусобиқаи «Шоми бокс» дар шаҳри Душанбе бо Закари-Серж Мвого Амугу аз Камерун дар вазни +90,7 кг рақобат карда буд. Қувваозмоӣ дар раунди дуюм бо пирӯзии муштзани 26-солаи тоҷик бо нокаути фаннӣ хотима ёфт. Давлат Болтаев соҳиби камарбанди IBA.Pro гардид. Вай дар ҳамаи шаш рақобаташ дар бокси касбӣ дастболо шудааст.
Ҳамчунин дар доираи барномаи асосии «IBA.PRO 8» финалисти чемпионати ҷаҳон-2021 аз Федератсияи Русия Вадим Мусаев барои камарбанди IBA.PRO Intercontinental дар вазни то 67 кг бо муштзани Мексика Хосе Мигел Боррего (22 — 4, КО 18 ) рӯ ба рӯ хоҳад шуд.
Ёдовар мешавем, ки ин мусобиқа 22 июли соли 2025 дар шаҳри Душанбе баргузор мегардад.
АКС аз манбаъҳои боз
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
