Дар шаҳри Кӯлоб 120 ҳазор сомонӣ маоши кормандони тиб пардохт карда шуд
ДУШАНБЕ, 30.07.2025 /АМИТ «Ховар»/. Дар шашмоҳаи якуми соли 2025 бо мусоидати Шурои иттифоқҳои касабаи вилояти Хатлон 120 ҳазор сомонӣ маоши кормандони тиб пардохт карда шуд. Дар ин хусус Раиси Шурои иттифоқҳои касабаи вилояти Хатлон Абдурозиқ Ризозода зимни нишасти матбуотӣ иттилоъ дод.
Ҳоло Иттифоқҳои касабаи вилояти Хатлон 9 кумитаи соҳавиро муттаҳид намуда, зиёда аз 4 470 ташкилоти ибтидоӣ ва 227 ҳазору 605 нафар аъзоро фаро гирифтааст.
«Яке аз дастовардҳои муҳими шуро дар нимаи якуми соли равон ҳалли масъалаи пардохти ҳаққи меҳнати кормандони соҳаи тиб мебошад. 11 апрели соли 2025 ба унвони Шурои иттифоқҳои касабаи шаҳри Кӯлоб аз ҷониби 60 корманди Беморхонаи клиникии вилоятии бисёрсоҳавии ба номи А. Ҳақназаров муроҷиати дастҷамъона ворид гардид. Мавзуи муроҷиат марбут ба таъмини пардохти ҳаққи кор дар рӯзҳои истироҳат ва идҳо буд, ки маблағи он пардохт нашуда буд. Пас аз баррасии муроҷиат бо мусоидати шуро ва таҳқиқоти нозири ҳуқуқ масъалаи мазкур ҳал шуда, аз ҳисоби Раёсати молияи минтақаи Кӯлоб 120 ҳазор сомонӣ маоши кормандон барқарор ва пардохт карда шуд»,-гуфт раиси шуро.
Дар нишаст баён карда шуд, ки барои пешгирии қонуншиканиҳо дар соҳаи меҳнат нозири ҳуқуқи шуро дар маҷмуъ 20 амрнома ба ташкилоти дахлдор ирсол намуд, ки 5-тои он давоми шаш моҳи аввали соли равон сабт гардид.
Шурои иттифоқҳои касабаи вилояти Хатлон таъкид менамояд, ки ҳифзи ҳуқуқ ва манфиатҳои меҳнатии кормандон, махсусан дар соҳаҳои ҳаётан муҳими ҷомеа дар маркази таваҷҷуҳи доимии он қарор дорад.
АКС: Мақомоти иҷроияи ҳокимияти давлатии вилояти Хатлон








Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд






