Кӯдакону наврасони ноҳияи Шаҳринав ба истироҳат фаро гирифта мешаванд

Июль 14, 2025 16:16

ДУШАНБЕ, 14.07.2025 /АМИТ «Ховар»/. Дар назди 10 муассисаи таълимии ноҳияи Шаҳринав 400 нафар кӯдакону наврасон дар басти якум ба истироҳату машғулияти тобистона фаро гирифта шудаанд. Дар ин хусус ба мухбири минтақавии АМИТ «Ховар» Субҳониддини Маҳмуд аз шуъбаи маорифи ноҳияи Шаҳринав хабар доданд.

Тибқи иттилои масъулини шуъбаи маорифи ноҳияи Шаҳринав, дар басти якуми истироҳати тобистона кӯдакону наврасон аз оилаҳои камбизоат, ятимони кулл, нимятимон ва хонандагони фаъол ба лагерҳои наздимактабӣ ҷалб карда шудаанд.

Омӯзгорони Муассисаи таҳсилоти миёнаи умумии №14-и ноҳияи Шаҳринав иброз доштанд, ки дар ин муассисаи таълимӣ бо ташаббуси соҳибкорону хоҷагидорон ва маблағҳои давлатӣ шароити хуби истироҳат муҳайё гардидааст. Аз ҷумла, ошхонаи замонавӣ, ҳавзи шиноварӣ ва майдончаи варзишӣ омода буда, дар ин муассиса кӯдакону наврасон ба истироҳати бофароғат фаро гирифта шудаанд.

Дар истироҳатгоҳҳо мураббияҳо дар байни истироҳаткунандагон озмунҳои гуногун, аз қабили «Офарин», «Канӣ бачаҳо», «Чароғаки раҳнамо» ва «Кӣ пештар»-ро доир намуда, ҳамроҳ бо онҳо ба китобхонию хушнависӣ ва оббозию дигар машғулияти варзишӣ машғул мешаванд. Ин озмунҳо ба рушди зеҳнии кӯдакону наврасон таъсири мусбат мерасонад.

Дар се муассисаи томактабии ноҳия низ кӯдакон ба истироҳату солимгардонӣ ҷалб карда шудаанд.

АКС: Шуъбаи маорифи ноҳияи Шаҳринав

Июль 14, 2025 16:16

Хабарҳои дигари ин бахш

Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
Оид ба нақши Донишгоҳи давлатии Кӯлоб дар рушди илм ва маориф конфронси ҷумҳуриявӣ доир шуд
Имрӯз дар водиҳои Тоҷикистон ҳаво то 28 дараҷа гарм мешавад
ТАҚВИМИ АМИТ «ХОВАР»: имрӯз 26 октябр, якшанбе, 299-умин рӯзи соли 2025 аст
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад