Масъулини ҳолатҳои фавқулодаи Тоҷикистон ва Муғулистон масъалаи коҳиш додани хавфи офатҳои табииро баррасӣ намуданд
ДУШАНБЕ, 26.07.2025 /АМИТ «Ховар»/. Тавре қаблан иттилоъ додем, дар доираи сафари давлатии Президенти Муғулистон Ухнаагийн Хурэлсух ба Ҷумҳурии Тоҷикистон ва пас аз мулоқоту музокироти сатҳи олӣ байни Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Агентии давлатӣ оид ба ҳолатҳои фавқулодаи Муғулистон дар самти пешгирӣ ва бартараф кардани ҳолатҳои фавқулода Ёддошти тафоҳум ба имзо расид.
Тавре аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба АМИТ «Ховар» хабар доданд, дар доираи имзои ин Ёддошт роҳбарияти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Агентии давлатӣ оид ба ҳолатҳои фавқулодаи Муғулистон вохӯрӣ намуданд.
Зимни вохӯрӣ ҷонибҳо густариш додани табодули таҷриба дар самти идоракунии ҳолатҳои фавқулодаи дорои хусусияти табиӣ ва техногенӣ, коҳиш додани хавфи офатҳои табиӣ, табодули таҷриба оид ба таъмини алоқа, огоҳсозии иттилоотии аҳолӣ ҳангоми сар задани ҳолатҳои фавқулода ва системаи огоҳсозӣ ва табодули технологияи навро баррасӣ намуданд.
Инчунин ҳайати меҳмонони Агентии давлатӣ оид ба ҳолатҳои фавқулодаи Муғулистон бо Маркази идоракунии буҳронии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон шинос гардиданд.
Ба меҳмонон иттилоъ дода шуд, ки ин марказ дорои тамоми шароити хизмативу майишӣ буда, ба талаботи сатҳи байналмилалӣ ҷавобгӯ мебошад. Он дар Тоҷикистон маркази ягона дар самти ҳолатҳои фавқулода ва омӯзиши ҳолатҳои буҳронӣ мебошад.
Дар доираи баимзорасии Ёддошти тафоҳум фаъолияти соҳа дар сатҳи минтақавию байналмилалӣ таҳким меёбад.
АКС: Кумитаи ҳолатҳои фавқулода ва мудофиаи граждании Ҷумҳурии Тоҷикистон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
