НИШАСТИ МАТБУОТӢ. Агентии хизмати давлатӣ Низоми иттилоотии идоракунии захираҳои инсонӣ таҳия менамояд
ДУШАНБЕ, 21.07.2025 /АМИТ «Ховар»/. Аз ҷониби Агентии хизмати давлатии назди Президенти Ҷумҳурии Тоҷикистон Низоми иттилоотии идоракунии захираҳои инсонӣ таҳия карда мешавад. Он аз 16 модул иборат буда, дар он маълумот вобаста ба Феҳристи хизматчиёни давлатӣ, ҳайати сифатию миқдории онҳо, натиҷаи баргузории озмунҳо ва аттестатсия аз тариқи иттилооти электронӣ анҷом дода мешавад. Дар ин хусус имрӯз зимни нишасти матбуотӣ директори Агентии хизмати давлатӣ Илёс Идрисзода ба рӯзноманигорон иттилоъ дод.
Ба иттилои Илёс Идрисзода, ба низоми иттилоотии идоракунии захираҳои инсонӣ ҳамзамон маълумот вобаста ба ҷойивазкунӣ, захираи кадрҳо, худхизматрасонӣ, маълумот оид ба музди меҳнат ва дигар маблағгузориҳои хизматчиёни давлатӣ, рақами мушаххаси андозсупоранда дохил мебошанд, ки ба воситаи иттилооти электронӣ анҷом дода мешаванд.
Ин ташаббус бо мақсади рақамикунонии соҳаи хизмати давлатӣ дар доираи Созишномаи грантии «Баҳодиҳии Лоиҳаи дуюми «Мукаммалгардонии идоракунии молияи давлатӣ» аз ҷониби агентӣ омода шудааст. Дар айни замон 9 модули он таҳияю ба истифода дода шуда, таҳияи 7 модули дигар идома дорад.
Шаҳлои САДРИДДИН,
АМИТ «Ховар»
АКС: АМИТ «Ховар
ПУРСИДЕД? ҶАВОБ МЕДИҲЕМ. Парвандаҳои маданӣ дар судҳо чӣ гуна баррасӣ карда мешаванд?
Раиси Суди Олии иқтисодии Ҷумҳурии Тоҷикистон: «Дар фаъолияти судҳо нақши забон амиқу дақиқ дарҷ шудааст»
Ҷаласа доир ба таъсиси Шурои миллии ҳамоҳангсозӣ оид ба Чаҳорчӯбаи васеъшудаи шаффофият баргузор гардид
Дар Душанбе ҷаласаи 38-уми Шурои ҳамкорӣ дар соҳаи тандурустии кишварҳои аъзои ИДМ ба кори худ оғоз намуд
«ЗАБОН-ҲАСТИИ МИЛЛАТ». Дар муассисаҳои таълимии шаҳри Хуҷанд Рӯзи забони давлатӣ таҷлил мегардад
Дар Душанбе ҷаласаи 38-уми Шурои ҳамкорӣ дар соҳаи тандурустии давлатҳои аъзои ИДМ баргузор мегардад
НАМУНАИ ИБРАТ. Раиси ноҳияи Восеъ ва раиси Ҷамоати Оббурдони ноҳияи Мастчоҳ писаронашонро ба хизмати ҳарбӣ гусел намуданд
Дар Тоҷикистон шумораи аҳолии аз 100-сола боло 415 нафарро ташкил медиҳад
1 ОКТЯБР — РӮЗИ ПИРОНСОЛОН. Таъмини зиндагии шоиста барои онҳо афзалияти сиёсати иҷтимоии Тоҷикистон аст
«МАН БА ХИЗМАТ МЕРАВАМ». Таҳти ин унвон дар вилояти Хатлон иқдоми ҳизбӣ доир гардид
Дар Тоҷикистон дар ҳашт моҳи соли 2025 шумораи мусофиркашонӣ тавассути нақлиёт 10,2 фоиз афзудааст
Масъалаи омодасозии лоиҳаи шартӣ барои вокуниш ба ҳолатҳои фавқулода дар Тоҷикистон баррасӣ шуд
