НИШАСТИ МАТБУОТӢ. Дар 56 корхонаи тобеи Кумитаи хоҷагии манзилию коммуналӣ системаи биллингӣ амал менамояд
ДУШАНБЕ, 29.07.2025 /АМИТ «Ховар»/. Дар 56 корхонаи тобеи ташкилоти низоми Кумитаи хоҷагии манзилию коммуналии назди Ҳукумати Ҷумҳурии Тоҷикистон, ки дар самти партовҳои сахти маишӣ фаъолият менамоянд, барои пардохти ҳисобҳои ғайринақдӣ пурра системаи биллингӣ амалӣ карда шудааст. Дар ин хусус имрӯз зимни нишасти матбуотӣ Раиси Кумитаи хоҷагии манзилию коммуналии назди Ҳукумати Ҷумҳурии Тоҷикистон Ҷамшед Табарзода иттилоъ дод.
Ҷамшед Табарзода иброз намуд, ки бо мақсади дар амал татбиқ намудани Фармони Президенти Ҷумҳурии Тоҷикистон «Дар бораи вусъат додани ҳисоббаробаркуниҳои ғайринақдӣ» аз 22 июни соли 2023 бо ташкилоти молиявию қарзӣ ҳамкорӣ ба роҳ монда шуда, ба ин васила аз тарафи ташкилоти молиявию қарзӣ дар шаҳру ноҳияҳои ҷумҳурӣ корхонаҳои тобеи Кумита бо 511 POS-терминал ва 71 QR-рамзи ягона таъмин карда шуданд.
Иттилоъ дода шуд, ки корхонаҳои тобеи ташкилоти низоми Кумита дар самти партовҳои сахти маишӣ дар вилояти Хатлон -дар шаҳри Бохтар, Леваканд, ноҳияҳои Вахш, Хуросон, Дӯстӣ, Қубодиён, Ҷалолиддини Балхӣ, Ҷайҳун, Панҷ, Шаҳритус, Абдураҳмони Ҷомӣ, Носири Хусрав, Восеъ, Данғара, Фархор, Ҳамадонӣ, Темурмалик, Муъминобод, Ховалинг, Шамсиддини Шоҳин, Балҷувон, дар вилояти Суғд — ноҳияҳои Айнӣ, Ашт, Деваштич, Бобоҷон Ғафуров, Ҷаббор Расулов, Спитамен, Зафаробод, Меҳнатобод, Мастчоҳ, шаҳрҳои Исфара, Конибодом, Гулистон, Панҷакент, Истаравшан, дар Вилояти Мухтори Кӯҳистони Бадахшон -дар ноҳияҳои Дарвоз, Ванҷ, Рӯшон, Ишкошим, Мурғоб, Роштқалъа, Шуғнон, шаҳри Хоруғ, инчунин дар ноҳияҳои тобеи ҷумҳурӣ — ноҳияи Рӯдакӣ, Нуробод, Рашт, Сангвор, Тоҷикобод, Лахш ва дар шаҳри Ҳисор ба аҳолӣ хизмат мерасонанд.
Иброз гардид, ки корхонаҳои соҳаи обтаминкунӣ ва обҳои партови тобеи Корхонаи воҳиди давлатии «Хоҷагии манзилию комуналӣ», воқеъ дар шаҳру ноҳияҳои мамлакат дар ҷамъбасти фаъолияти шашмоҳаи якуми соли равон ба истифодабарандагон ба миқдори 43 миллиону 574,4 метри кубӣ оби нӯшокӣ интиқол додаанд.
Ба иттилои раиси кумита, корхонаҳои тобеи ташкилоти низоми Кумитаи хоҷагии манзилию коммуналии назди Ҳукумати Ҷумҳурии Тоҷикистон дар ҷамъбасти натиҷаҳои фаъолияти шаҳру ноҳияҳои ҷумҳурӣ аз рӯи ҳама намуди андозҳо 29 миллиону 940 ҳазор сомонӣ ворид намуданд.
Шаҳлои САДРИДДИН,
АМИТ «Ховар»
АКС: АМИТ «Ховар»
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
