НИШАСТИ МАТБУОТӢ. Дар Тоҷикистон барои беҳтар гардидани сифати алоқа ва интернет 811 истгоҳи базавӣ насб карда шуд
ДУШАНБЕ, 23.07.2025 /АМИТ «Ховар»/. Дар шашмоҳаи якуми соли равон дар ҷумҳурӣ 811 истгоҳи базавӣ насб карда шудааст, ки ин нишондиҳанда нисбат ба ҳамин давраи соли 2024 157 адад ё 5 маротиба зиёд мебошад. То охири сол насби 1000 истгоҳи базавӣ ба нақша гирифта шудааст. Дар ин хусус имрӯз сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло дар нишасти матбуотии ин ниҳод ба хабарнигорон иттилоъ дод.
Ҳамчунин иброз гардид, ки барои вусъат бахшидани фаъолияти бемайлони истгоҳҳои базавӣ ва дастрасӣ ба шабакаи баландсуръати интернет имсол 253,7 километр хати нахи нурӣ кашида шуд. Ҳоло дар ҷумҳурӣ 8530,5 километр шоҳроҳҳои хати нахи нурии алоқа амал намуда, кашидани 419 километр хати нахи нурӣ ба нақша гирифта шудааст.
«Барои мутобиқ намудани сатҳу сифати хизматрасонии алоқаи мобилии ҷавобгӯ ба талаботи муосир мо ба таҷдиду навсозӣ ва бунёди майдонҳои нави истгоҳҳои базавии алоқаи мобилӣ таваҷҷуҳи махсус зоҳир менамоем. Дар ин замина таъмини хизматрасонии муътадили алоқа дар маконҳое, ки истифодаи неруи барқ маҳдуд аст, ҷойҳое, ки дар ҳолатҳои садамавии неруи барқ қарор доранд, харидорӣ ва муҷаҳҳазгардонӣ бо аккумуляторҳо ва дизел-генераторҳо, таъмини онҳо бо сӯзишворӣ, дастрас, насб ва ба роҳ мондани фаъолияти муътадили онҳо таҳти назорати мутахассисони соҳа алоқа қарор дода шудааст»,-иброз дошт сардори Хадамоти алоқаи назди Ҳукумати Ҷумҳурии Тоҷикистон Исфандиёри Саъдулло.
Иттилоъ дода шуд, ки дар натиҷаи беҳтар шудани сифати хизматрасонӣ ва танзими оқилонаи нархҳо арзиши миёнаи интернет бо суръати 1 Мбит/с 17,63 сомонӣ коҳиш ёфта, нархи миёнаи 1 ГБ бастаи интернети мобилӣ ба 2,5 сомонӣ ё 0,25 доллари Иёлоти Муттаҳидаи Амрико расонида шуд.
Сатҳи хизматрасонии алоқа дар Ҷумҳурии Тоҷикистон дар марҳилаи ислоҳот ва такмил қарор дошта, Хадамоти алоқа барои фаро гирифтани минтақаҳои дурдаст бо алоқаи барқӣ тамоми тадбирҳои заруриро амалӣ менамояд.
Моҳинави НАВРӮЗ,
Тоҳири САИД (АКС),
АМИТ «Ховар»
Силсилаи HUAWEI Pura 80: Имконоти нав дар аксбардории мобилӣ
Сафири Тоҷикистон бо дабири кулли Бунёди шоҳии гуманитарии Баҳрайн мулоқот намуд
24 июл дар мақомоти иҷроияи ноҳияҳои Исмоили Сомонӣ, Синои шаҳри Душанбе ва донишгоҳҳо нишасти матбуотӣ баргузор мегардад
Дар Тоҷикистон хавфи сар задани селҳои пиряхӣ боқӣ мемонад
НИШАСТИ МАТБУОТӢ. Саридораи геология ба 68 хоҷагӣ ва 1 муассисаи таҳсилоти миёнаи умумӣ тавсия додааст, ки ба маконҳои бехатар кӯч банданд
Имсол дар истироҳатгоҳи «Дурахшон» 260 нафар кӯдакону наврасон фароғат менамоянд
Дар Тоҷикистон Рӯзҳои фарҳанги Муғулистон баргузор мегарданд
Имрӯз дар Тоҷикистон гармии ҳаво ба 45 дараҷа мерасад
Имсол дар телевизионҳои Тоҷикистон 39 лоиҳа ва барномаҳои нав намоиш дода шуданд
