НИШАСТИ МАТБУОТӢ. Дар Тоҷикистон беш аз 22 ҳазор табиб ба мардум хизмат мерасонад
ДУШАНБЕ, 23.07.2025 /АМИТ «Ховар»/. Дар муассисаҳои тандурустии Тоҷикистон 22 ҳазору 150 табиб ва 63 ҳазору 783 корманди миёнаи тиббӣ кор мекунанд, ки ин нишондиҳанда нисбат ба соли 2024 2,4 ва 2,0 % зиёд мебошад. Имрӯз таъминнокии табибон дар ҷумҳурӣ 93,6 ва кормандони миёнаи тиббӣ 99,6 %- ро ташкил медиҳад, ки нисбат ба як соли пеш тахминан 1,5 ва 0,4% зиёд мебошад. Дар ин хусус имрӯз Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода зимни нишасти матбуотӣ ба хабарнигорон иттилоъ дод.
Ҷамолиддин Абдуллозода вобаста ба норасоии табибон дар мамлакат иброз дошт, ки имрӯз норасоии табибон бештар дар самти тибби оилавӣ, дар минтақаҳои дурдасти ҷумҳурӣ дар самти силшиносӣ — ренгенологҳо ва дар баъзе минтақаҳои дурдасттарин норасоии мутахассисони бемориҳои занона ва ҷарроҳон ба назар мерасад.
«Мо барои бартараф намудани ин камбудиҳо, яъне норасоии табибон дар баъзе минтақаҳои дурдасти ҷумҳурӣ аз ҳисоби кормандони соҳаи тандурустии вилоятҳо табибонро ба тариқи навбатдорӣ барои хизмат расонидан ба аҳолии ин минтақаҳо равон менамоем», — гуфт Вазири тандурустӣ ва ҳифзи иҷтимоии аҳолии Ҷумҳурии Тоҷикистон.
Зимни нишаст иттилоъ дода шуд, ки имрӯз норасоии мутахассисони соҳаи тиб дар ҷумҳурӣ 1600 нафарро ташкил медиҳад.
Дар нишаст иттилоъ дода шуд, ки соли 2025 Донишгоҳи давлатии тиббии Тоҷикистон ба номи Абӯалӣ ибни Синоро 1845 нафар, Донишгоҳи давлатии тиббии Хатлонро 400 нафар, Донишгоҳи миллии Тоҷикистонро 694 нафар донишҷӯён ва дар умум 2939 нафар хатм карданд. Ин нишондиҳанда нисбат ба соли 2024 453 нафар зиёд мебошад.
Дар соли хатми 2024 коллеҷҳои тиббии ҷумҳуриро 16 963 донишҷӯ хатм намуд.
Беҳтар намудани вазъи таъмини муассисаҳои соҳаи тандурустии мамлакат бо мутахассисони тиббӣ яке аз самтҳои афзалиятнок ба ҳисоб меравад.
Моҳинави НАВРӮЗ,
Тоҳири САИД (АКС)
АМИТ «Ховар»
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
