НИШАСТИ МАТБУОТӢ. Корхонаи «Тоҷиксуғурта» ба 588 оилаи аз офати табиӣ зарардидаи минтақаи Рашт кумаки молиявӣ расонид
ДУШАНБЕ, 31.07.2025 /АМИТ «Ховар»/. Барои иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба бартараф намудани оқибатҳои офатҳои табиӣ дар ноҳияи Рашт ва Тоҷикобод аз ҷониби Корхонаи воҳиди давлатии «Тоҷиксуғурта» ба 588 оилаи аз офати табиӣ зарардидаи ин ноҳияҳо ба маблағи 1 миллиону 186 ҳазору 500 сомонӣ кумак расонида шуд. Дар ин хусус имрӯз директори Корхонаи воҳиди давлатии «Тоҷиксуғурта» Шуҳрат Мақсудзода ба хабарнигорон иттилоъ дод.
«Ҳарчанд оилаҳои зарардида аз офатҳои табиӣ дар ин ноҳияҳо суғурта нашуда буданд, аммо мо ба онҳо кумак расонидем. Ҳангоми супоридани маблағҳо таҳлилҳо нишон доданд, ки аксари оилаҳо ба хулосае омаданд, ки дар оянда молу амволи худро суғурта намоянд. Танҳо ду-се муассиса суғурта шуда буд, ки онҳо низ маблағҳои заруриро дастрас намуданд»,-гуфт Шуҳрат Мақсудзода.
Директори Корхонаи воҳиди давлатии «Тоҷиксуғурта» зимни нишаст аз он изҳори нигаронӣ намуд, ки ҷомеа ҳоло ҳам нисбат ба суғурта шудан беаҳамиятӣ зоҳир менамояд. Ҳарчанд гурӯҳҳои корӣ дар байни ҷомеа корҳои фаҳмондадиҳӣ мегузаронанд, аммо то ҳол аксари онҳо ба суғуртакунӣ боварӣ надоранд.
«Дар ин замина барои баланд бардоштани маърифати аҳолӣ нисбат ба суғуртакунӣ имрӯзҳо дар аксар минтақаҳои ҷумҳурӣ аз ҷониби Бонки миллии Тоҷикистон, ки дар гурӯҳи кории он кормандони корхонаи мо низ ҳастанд, машғулият мегузаронанд. Дар ин машғулият мутахассисон саводнокии молиявӣ, мақсад ва моҳияти суғуртакуниро шарҳу тавзеҳ медиҳанд»,- гуфт Шуҳрат Мақсудзода.
Иттилоъ дода шуд, ки Корхонаи воҳиди давлатии «Тоҷиксуғурта» дар шашмоҳаи аввали соли 2025 бо шахсони ҳуқуқию воқеӣ дар маҷмуъ аз рӯйи намудҳои суғуртаи ҳатмӣ ва ихтиёрӣ 122 ҳазору 611 шартномаи суғуртавӣ ба имзо расонидааст.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
