Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
ДУШАНБЕ, 16.07.2025 /АМИТ «Ховар»/. 15 июл президенти Академияи миллии илмҳои Тоҷикистон Қобилҷон Хушвахтзода бо як зумра олимони хориҷӣ, ки бо мақсади гузаронидани корҳои таҳқиқотӣ дар пиряхи Ванҷях ба Тоҷикистон омадаанд, вохӯрӣ намуд.
Тавре ба АМИТ «Ховар» аз академия хабар доданд, дар вохӯрӣ таъкид гардид, ки дар доираи лоиҳаи байналмилалии RECAP корҳои саҳроӣ барои соли 2025 дар назар дошта шуда, соли 2024 дар пиряхи Ванҷях ду истгоҳи автоматии метеорологӣ насб карда шуд. Соли 2025 ба нақша гирифта шудааст, ки насби таҷҳизоти иловагӣ ба анҷом расонида, низоми мукаммали мониторинги параметрҳои метеорологӣ ва глятсиологӣ дар бузургтарин пиряхи Тоҷикистон – Ванҷях ба роҳ монда шавад.
Дар мулоқот ҷонибҳо вақти гузаронидани корҳои илмиро дар шароити мушкили баландкӯҳ, муҳлати баргузории корҳои саҳроӣ, таҷрибаи васеи сафар дар шароити пиряхӣ ва кӯҳӣ, қобилияти интиқоли бори вазнин дар релефи душворгузар ва дигар масъалаҳоро баррасӣ намуданд.
Изҳор гардид, ки ҳоло дар минтақа қисми зиёди таҷҳизоти илмӣ ҷойгир карда шуда, истгоҳҳои автоматии фаъол ва таҷҳизоти захиравӣ дар наздикии кӯли Танимас нигоҳ дошта мешаванд.
АКС: Академияи миллии илмҳои Тоҷикистон
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
