ҶОМИ РАИСИ ШАҲРИ ДУШАНБЕ. Мусобиқаи футболи хурд байни кормандони вазорату идораҳо ҷамъбаст шуд
ДУШАНБЕ, 03.07.2025. /АМИТ «Ховар»/. Мусобиқаи кушоди варзишӣ оид ба футболи хурд байни кормандони вазорату кумита, раёсат, ташкилоту муассиса ва корхонаву ҷамъиятҳо барои дарёфти «Ҷоми Раиси шаҳри Душанбе» ҷамъбаст гардид. Дар ин хусус ба АМИТ «Ховар» аз шуъбаи иттилоотии дастгоҳи Раиси шаҳри Душанбе хабар доданд.
Дар мусобиқа 100 даста бо фарогирии 1500 нафар кормандони вазорату кумита, раёсат, ташкилоту муассиса, корхонаву ҷамъиятҳо ва дӯстдорони футбол иштирок намуданд.
Дар байни кормандони Мақомоти иҷроияи ҳокимияти давлатии шаҳри Душанбе, ноҳияҳои он ва ташкилоту муассисаҳо аз 23 –сола боло, дастаи Ҷамъияти саҳомии кушодаи «Шабакаҳои барқии шаҳри Душанбе» сазовори ҷойи якум, дастаи Раёсати Вазорати корҳои дохилии Ҷумҳурии Тоҷикистон дар шаҳри Душанбе сазовори ҷойи дуюм ва дастаи Мақомоти иҷроияи ҳокимияти давлатии ноҳияи Сино сазовори ҷойи сеюм гардиданд.
Дар байни кормандони вазорату кумита, раёсат ва ташкилоту муассисаҳо аз 23 -сола боло, дастаи Вазорати корҳои дохилии Ҷумҳурии Тоҷикистон сазовори ҷойи якум, дастаи Кумитаи давлатии амнияти миллии Ҷумҳурии Тоҷикистон сазовори ҷойи дуюм ва дастаи Ҷамъияти саҳомии кушодаи «Ориёнбонк» сазовори ҷойи сеюм шуданд.
Дар байни кормандони вазорату кумита, раёсат, ташкилоту муассиса, корхонаву ҷамъиятҳо ва дӯстдорони футбол аз 23 –сола боло, дастаи Ҷамъияти дорои масъулияташ маҳдуди «Сайёҳон» сазовори ҷойи якум, дастаи Ҷамъияти дорои масъулияташ маҳдуди «Қолинҳои Пилла» сазовори ҷойи дуюм ва дастаи Ҷамъияти саҳомии пӯшидаи «Ориёнбонк» сазовори ҷойи сеюм гардиданд.
Инчунин дар байни кормандони вазорату кумита, раёсат, ташкилоту муассиса ва корхонаву ҷамъиятҳо аз 45 -сола боло, дастаи Вазорати корҳои дохилии Ҷумҳурии Тоҷикистон сазовори ҷойи якум, дастаи Ҷамъияти саҳомии пӯшидаи «Вавилон-Мобайл» сазовори ҷойи дуюм ва дастаи Ҷамъияти дорои масъулияташ маҳдуди «Лазиз» сазовори ҷойи сеюм гардиданд.
АКС: Шуъбаи иттилоотии дастгоҳи Раиси шаҳри Душанбе
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд
Дар асоси қарори Раиси шаҳри Душанбе дар пойтахт намоишгоҳи фурӯши либосҳои мактабӣ ва лавозимоти дарсӣ оғоз гардид
Доир ба муқовимат ба коррупсия чун кафили рушди соҳаи маориф конференсия баргузор гардид
Бахшида ба Рӯзи варзишгарони Тоҷикистон дар Душанбе Марафони велосипедронӣ баргузор мегардад
