Сафири Тоҷикистон бо роҳбарияти Федератсияи палатаҳои тиҷоратии Арабистони Саудӣ мулоқот намуд

ДУШАНБЕ, 10.07.2025 /АМИТ «Ховар»/. 8 июл Сафири Фавқулода ва Мухтори Ҷумҳурии Тоҷикистон дар Арабистони Саудӣ Акрам Каримӣ бо Дабири кулли Федератсияи палатаҳои тиҷоратии Арабистони Саудӣ Валид Ал-Урайнан мулоқот намуд.
Тавре ба АМИТ «Ховар» аз Сафорати Ҷумҳурии Тоҷикистон дар Арабистони Саудӣ хабар доданд, зимни мулоқот натиҷаҳои сафари ҳайати соҳибкорон ва сармоягузорони Арабистони Саудӣ ба Ҷумҳурии Тоҷикистон, ки 19-20 майи соли равон баргузор шуда буд, баррасӣ шуданд.
АКС: Сафорати Ҷумҳурии Тоҷикистон дар Арабистони Саудӣ