ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
ДУШАНБЕ, 09.07.2025 /АМИТ «Ховар»/. Дар хоҷагии деҳқонии «Ҳоҷӣ Адҳамхон» -и Ҷамоати шаҳраки Ҳамид Алиеви ноҳияи Зафаробод панелҳои офтобӣ насб гардида, бо истифода аз онҳо чоҳи амудӣ ба кор дароварда шудааст. Ин иқдом бо мақсади татбиқи ҳадафҳои стратегӣ ва амалисозии дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати истифодаи самаранок ва сарфакоронаи нерӯи барқ амалӣ гардидааст. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Тавассути неруи барқи аз панелҳои офтобӣ истеҳсолшуда заминҳои хоҷагии мазкур бо оби полезӣ таъмин гардида, раванди обёрии зироати кишоварзӣ беҳтар ба роҳ монда шудааст.
Тавре роҳбари хоҷагӣ Адҳамхон Бобоҷонов иттилоъ дод, то имрӯз 56 адад панели офтобӣ насб карда шудааст. Аз ин миқдор 6 адад панел манзилҳои истиқоматиро ба таври мунтазам бо неруи барқ таъмин менамоянд ва 50 панели дигар бо иқтидори 30 киловатт неруи барқ истеҳсол намуда, чоҳи амудиро фаъол месозанд.
Хоҷагӣ дорои 11,5 гектар замини корам буда, дар 6 гектари он пахта ва дигар зироати кишоварзӣ кишт карда мешаванд.
Истифодаи панелҳои офтобӣ дар хоҷагии «Ҳоҷӣ Адҳамхон» таҷрибаи нав ва манфиатовар арзёбӣ шуда, дар пайи он дигар хоҷагиҳои кишоварзии ноҳия ва масъулони ташкилоту муассисаҳо низ тасмим гирифтанд, ки аз чунин технологияҳои сабзу самаранок истифода намоянд.
АКС аз манбаъҳои боз
Филми ҳунарии «Моҳӣ дар шаст» дар кинофестивали байналмилалии «Шилингел» дар Олмон намоиш дода шуд
Тоҷикистон мизбони ҷаласаи Шурои сарони кишварҳои аъзои Иттиҳоди Давлатҳои Мустақил мегардад
Имрӯз дар Тоҷикистон ҳаво то 27 дараҷа гарм мешавад
«КИТОБХОНА — КОХИ МАЪРИФАТ». Дар шаҳри Кӯлоб ҳамоиши дӯстдорони китоб доир шуд
Дар шаҳри Панҷакент пойгоҳҳои обкашӣ барқарор карда мешаванд
Доир ба нақши забони давлатӣ дар таҳкими худшиносӣ ва ҳувияти миллӣ ҳамоиш баргузор гардид
Рӯзи забони давлатӣ дар Суди Олии иқтисодӣ ботантана таҷлил карда шуд
Кишоварзони шаҳри Конибодом беш аз 12 ҳазор тонна пахта ҷамъоварӣ менамоянд
Имрӯз дар водиҳо ҳаво то 27 дараҷа гарм мешавад
Бахшида ба рӯзи таъсиси «Телевизиони Тоҷикистон» ҳамоиши илмӣ баргузор шуд
Дар милитсияи пойтахт Рӯзи забони давлатӣ ва Рӯзи касбии кормандони оперативиро таҷлил намуданд
«ПАРЧАМБАРДОРОНИ ПЕШВОИ МИЛЛАТ». Дар Донишгоҳи технологии Тоҷикистон таҳти чунин унвон ҳамоиш доир шуд
