Ҳамкории Маҷлиси намояндагон бо Шурои қонунгузории Давлати Фаластин густариш меёбад

ДУШАНБЕ, 23.08.2025 /АМИТ «Ховар»/. 22 август Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо Сафири Давлати Фаластин Адҳам Муҳаммад Алӣ Ҳасан Зайналадин мулоқот намуд, хабар доданд ба АМИТ «Ховар» аз Маҷлиси намояндагон.

Зимни мулоқот фаъолияти гурӯҳи дӯстӣ ва ҳамкории Маҷлиси намояндагон бо Шурои қонунгузории Давлати Фаластин барои ҳамоҳанг намудани робитаҳои дӯстӣ байни мардумони ду давлат муҳим арзёбӣ гардид.

Таъкид гардид, ки Маҷлиси намояндагон хоҳони густариши ҳамкорӣ бо Шурои қонунгузории Давлати Фаластин буда, барои ба роҳ мондани муколама, мубодилаи сафарҳои расмии ҳайати гурӯҳҳои дӯстӣ ва рушди ҳамкории байнипарлумонӣ ҷаҳду талош хоҳад намуд.

Ҳамкории Тоҷикистон ва Фаластин давоми 33 сол, бахусус солҳои охир вусъати тоза ёфта, санадҳои дуҷонибаи ҳамкорӣ, аз ҷумла Созишнома оид ба таъсиси Шурои соҳибкорони Тоҷикистону Фаластин баста шуданд, ки метавонанд ба густариши муносибатҳои тиҷоратӣ мусоидат намоянд.

АКС: Маҷлиси намояндагони Маҷлиси Олии Ҷумҳурии Тоҷикистон