Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
ДУШАНБЕ, 26.08.2025 /АМИТ «Ховар»/. Дар Теҳрон «Барномаи иҷроии Ёддошти тафоҳуми ҳамкорӣ байни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Вазорати варзиш ва ҷавонони Ҷумҳурии Исломии Эрон барои солҳои 2025–2026» ба имзо расид.
АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ медиҳад, ки санади мазкурро аз ҷониби Ҷумҳурии Тоҷикистон Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода ва аз ҷониби Ҷумҳурии Исломии Эрон вазири Вазорати варзиш ва ҷавонон Аҳмади Дунёмолӣ ба имзо расониданд.
Барномаи иҷроӣ рушди ҳамкориро дар самтҳои гуногун, аз ҷумла таҷрибаи идоракунии варзиш, табодули ҳайатҳои ҷавонон, баргузории мусобиқаҳои варзишӣ, даврҳои омӯзишӣ ва ташкили чорабиниҳои муштарак дар назар дорад.
Ҳамзамон дар ҷараёни мулоқоти расмии ҳайати Тоҷикистон бо вазири Вазорати варзиш ва ҷавонони Ҷумҳурии Исломии Эрон масъалаҳои густариши робитаҳо байни сохторҳои марбутаи ҳарду давлат баррасӣ гардиданд. Ҷонибҳо зарурати таҳкими муносибатҳои дӯстона байни ҷавонон ва варзишгарон, инчунин густариши ҳамкории минтақавию байналмилалиро таъкид намуданд.
Ҷонибҳо изҳори итминон намуданд, ки татбиқи Барномаи иҷроии имзошуда ба тавсеаи минбаъдаи робитаҳои дӯстӣ ва тақвияти ҳамкории мутақобили судманд дар соҳаи ҷавонон ва варзиш мусоидат менамояд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
