Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
ДУШАНБЕ, 20.08.2025. /АМИТ «Ховар»/. Вазири рушди иқтисод ва савдои Тоҷикистон Завқӣ Завқизода бо донишҷӯёне, ки дар озмуни имтиҳони дохилшавӣ тавассути Стипендияи байналмилалии Президенти Ҷумҳурии Тоҷикистон «Дурахшандагон» ғолиб омадаанд, вохӯрӣ доир намуд. Дар ин хусус ба АМИТ «Ховар» аз Вазорати рушди иқтисод ва савдо хабар доданд.
Завқӣ Завқизода иброз намуд, ки бо шарофати сиёсати маорифпарварона ва хирадмандонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон имконият фароҳам оварда шудааст, ки ҳамасола аз ҳисоби фонди Президенти Ҷумҳурии Тоҷикистон ҷавонони соҳибистеъдод дар муассисаҳои таҳсилоти олии маъруфи кишварҳои хориҷӣ таҳсил намоянд.
Бо мақсади иҷрои фармони Президенти Ҷумҳурии Тоҷикистон аз 31 декабри соли 2020 «Дар бораи Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф эълон намудани солҳои 2020-2040» ҳангоми интихоби довталабон афзалияти аввалиндараҷа ба ихтисосҳои равияҳои дақиқ, табиӣ ва риёзӣ, ба монанди ихтисосҳои технологияи иттилоотию коммуникатсионӣ, зеҳни сунъӣ, эконометрика ва муҳандисони самтҳои гуногун дода мешавад.
Таъкид гардид, ки тибқи роҳнамоиҳои пайвастаи муҳтарам Пешвои миллат ҳар донишҷӯи таҳсилкунандаи кишвари хориҷӣ бояд дар баробари таҳсили аъло ва интизоми намунавӣ инчунин муаррифи арзишҳои миллӣ, фарҳанг ва дастовардҳои Ҷумҳурии Тоҷикистон дар арсаи байналмилалӣ бошад. Аз ин рӯ аз донишҷӯён даъват ба амал оварда шуд, ки донишгоҳро бо баҳои аъло хатм намуда, баъди баргаштан ба Ватан дар рушди соҳаҳои иқтисоди миллӣ саҳм гузоранд.
АКС: Вазорати рушди иқтисод ва савдои Ҷумҳурии Тоҷикистон
Доир ба пешгирии кирдорҳои коррупсионӣ конференсияи байналмилалӣ баргузор шуд
Сардори Раёсати робитаҳои байналмилалии Донишкадаи давлатии фарҳанг ва санъати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Орзуи миллионер шудан бо ZET-MOBILE воқеӣ аст
Дар Донишкадаи байналмилалии Хуҷанди Донишгоҳи байналмилалии сайёҳӣ ва соҳибкории Тоҷикистон сохтмони биноҳои нави таълимӣ оғоз шуд
Баланд бардоштани сатҳи таълиму тарбия дар Коллеҷи технологии Конибодом баррасӣ гардид
IRS: Ҳаракати тамоми намуди нақлиёт дар роҳи мошингарди Душанбе-Чанок таъмин аст
ИСТИФОДАИ САМАРАНОКИ ЗАМИН. Беш аз 300 гектар замини ноҳияи Айнӣ ба гардиши кишт ворид карда мешавад
Имрӯз дар Тоҷикистон борон ва барф меборад
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
