Бо иштироки ҷавонони Тоҷикистон ва Эрон ҳамоиш доир гардид
ДУШАНБЕ, 26.08.2025. /АМИТ «Ховар»/. Дар доираи барномаи сафари ҳайати Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба Ҷумҳурии Исломии Эрон, ки 24 август оғоз шуд ва то 29 август идома меёбад, бо иштироки намояндагони ҷавонони ҳарду давлат дар мавзуи «Рушди иҷтимоии ҷавонон» ҳамоиши илмӣ-амалӣ баргузор гардид. Дар ин хусус АМИТ «Ховар» бо истинод ба Кумитаи кор бо ҷавонон ва варзиш хабар медиҳад.
Дар ҳамоиш иброз гардид, ки ҷавонон неруи созанда ва ояндаи ҳарду давлат маҳсуб шуда, тақвияти ҳамкорӣ дар самти баланд бардоштани нақши онҳо дар ҷомеа аҳамияти хосса дорад.
Иштирокчиён масъалаҳои муҳим, аз қабили ташаккули маърифати иҷтимоӣ, рушди соҳибкорӣ байни ҷавонон, саҳми онҳо дар рушди иқтисодию фарҳангӣ, баланд бардоштани сатҳи донишу малакаи касбӣ, инчунин мубориза бо таҳдидҳои замони муосирро мавриди баррасӣ қарор доданд.
Аъзои ҳайати Тоҷикистон дар ҳамоиш барнома ва таҷрибаи мамлакатамонро дар самти сиёсати давлатии ҷавонон муаррифӣ намуда, баён доштанд, ки бо ибтикори Ҳукумати Ҷумҳурии Тоҷикистон барои дастгирии иқдоми созандаи ҷавонон барномаҳои гуногун доир карда мешаванд. Аз ҷумла, барои ҷалби онҳо ба фаъолияти иҷтимоӣ, таҳсил, варзиш ва ташаббусҳои инноватсионӣ имконияти фарох фароҳам оварда шудааст.
Намояндагони ҷониби Эрон таҷрибаи миллии худро дар самти тақвияти нақши ҷавонон дар ҷомеа ва татбиқи барномаҳои иҷтимоӣ шарҳ дода, барои густариши ҳамкории минбаъда бо Тоҷикистон изҳори омодагӣ намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
