Дар Душанбе доир ба Истиқлоли давлатӣ ҳамчун рукни асосии идеологияи миллӣ ҳамоиши ҳизбиён баргузор шуд
ДУШАНБЕ, 22.08.2025. /АМИТ «Ховар»/. 22 август дар ноҳияи Исмоили Сомонии шаҳри Душанбе бо ибтикори Кумитаи Иҷроияи Марказии Ҳизби Халқии Демокартии Тоҷикистон ҳамоиши ҳизбиёни пойтахт баргузор гардид. Дар ин хусус ба АМИТ «Ховар» аз шуъбаи кор бо ҷавонони Кумитаи иҷроияи Ҳизби Халқии Демокартии Тоҷикистон дар шаҳри Душанбе хабар доданд.
Дар ҳамоиш муовини Раиси Ҳизби Халқии Демокартии Тоҷикистон Мирзоқосим Каримзода, роҳбарияти Кумитаи иҷроияи шаҳрии ҳизб, Мақомоти иҷроияи ҳокимияти давлатии шаҳри Душанбе, сохторҳои идеологии пойтахт, роҳбарони ташкилотҳои ҳизбӣ ва намояндагии Ташкилоти ҷамъиятии ҷавонон «Созандагони Ватан» иштирок намуданд.
Раиси Кумитаи ииҷроияи Ҳизби Халқии Демокартии Тоҷикистон дар шаҳри Душанбе Абдураҳим Шоҳиён иброз дошт, ки имрӯзҳо мо мардуми Тоҷикистон дар арафаи ҷашни 34-солагии Истиқлоли давлатӣ қарор дорем. Ҳамаи моро мебояд, дар амалӣ намудани ҳадафҳои некусозандаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон сарҷамъ бошем ва бо кору амали созандаи худ сазовор ба зиндагии шоиста гардем.
Дар идома муовини Раиси Ҳизби Халкқии Демократии Тоҷикистон Мирзоқосим Каримзода вобаста ба нақш ва мафҳуми Истиқлол ибрози назар намуда, такъид кард, ки истиқлолу озодӣ барои ҳар миллат дастоварди муқаддас ба шумор мераванд. Миллати тоҷик дар тӯли садсолаҳо бо ормони давлати мустақили миллӣ зиндагӣ ба сар мебурд.
Иброз гардид, ки даврони Истиқлолиятро марҳилаи рушд ва инкишофи андешаи ҳуқуқи инсон низ номидан мумкин аст. Маҳз дар ҳамин давра ба таври расмӣ дар сатҳи Консититутсия инсон, ҳуқуқ ва озодиҳои ӯ арзиши олӣ эълон гардид.
Дар идома муовини Раиси шаҳри Душанбе Дилбар Одилзода вобаста ба таърихи истиқлоли давлатии Тоҷикистон сухан гуфта, тазаккур дод, ки Истиқлоли давлатӣ, Ваҳдати миллӣ ва дигар арзишҳои миллӣ бояд дар ниҳоди ҳар як фарди ҷомеа, махсусан насли наврасу ҷавон тарғиб ва ҳифз карда шаванд. Ҳифзи марзу буми ватан, ҳимояи манфиатҳои миллӣ, фарҳанг ва генофонди миллӣ, инчунин тарғиби идеологияи солими миллӣ масъулияти ҳамаи фаъолони ҷомеаи шаҳрвандӣ, ба хусус ҳамсафони мо мебошад.
Зимни ҳамоиш якчанд аъзои фаъоли Ҳизби Халқии Демокартии Тоҷикистон, ки дар амалишавии ҳадафҳои оинномавӣ ва барномавии ҳизб саҳм гузоштанд, бо Сипоснома ва медали ҷашнии 30-солагии Ҳизби Халқии Демократии Тоҷикистон сарфароз гардонида шуданд. Ҳамзамон ба як зумра ҷавонон, ки ба сафи Ҳизби Халқии Демокартии Тоҷикистон пайвастанд, шаҳодатномаҳои ҳизбӣ тақдим карда шуд.
АКС: шуъбаи кор бо ҷавонони Кумитаи иҷроияи Ҳизби Халқии Демокартии Тоҷикистон дар шаҳри Душанбе
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
