Дар Хатлон 165 бинои нави муассисаҳои таълимӣ бунёд карда мешавад
ДУШАНБЕ, 05.08.2025 /АМИТ «Ховар»/. Давоми ду соли оянда дар вилояти Хатлон бунёди 165 бинои нави муассисаҳои таълимӣ бо 53 ҳазору 303 ҷойи нишаст пешбинӣ гардидааст. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии вилояти Хатлон хабар медиҳад.
Бо қарори Ҳукумати Ҷумҳурии Тоҷикистон Нақшаи амали «Барномаи давлатии рушди муассисаҳои соҳаи маорифи вилояти Хатлон барои солҳои 2022-2027», дар марҳилаи дуюм барои солҳои 2025-2027 тасдиқ гардид. Тибқи ин барнома, ба амалӣ намудани он 957 миллиону 850 ҳазор сомонӣ равона хоҳад шуд.
Тавре иттилоъ дода шуд, барнома ба ҳалли мушкилоти мавҷуда дар соҳаи маорифи вилоят, аз ҷумла аз байн бурдани биноҳои садамавӣ, таъмини ҷойи нишаст ва фароҳам овардани шароити мусоиди таҳсил дар муассисаҳои таълимӣ нигаронида шудааст.
Ҳадафи барнома беҳтар гардонидани вазъи моддӣ-техникии муассисаҳои соҳаи маорифи шаҳру ноҳияҳои вилояти Хатлон мебошад.
АКС аз манбаъҳои боз
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
