Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
ДУШАНБЕ, 03.07.2025. /АМИТ «Ховар»/. Дар шаҳри Хоруғ-маркази Вилояти Мухтори Кӯҳистони Бадахшон даври шаҳрии Озмуни ҷумҳуриявии «Беҳтарин ҳамсар» баргузор гардид. Он бо мақсади тарғиби арзишҳои оиладорӣ ва баланд бардоштани мақоми оила дар ҷомеа гузаронида шуд. Дар ин хусус ба АМИТ «Ховар» аз Мақомоти иҷроияи ҳокимияти давлатии шаҳр Хоруғ хабар доданд.
Иброз гардид, ки ҳадафи баргузории озмун баланд бардоштани масъулияти оила дар таҳкими фарҳанги оиладорӣ ҳамчун арзиши муҳими иҷтимоию фарҳангӣ, боло бурдани маърифати ҳуқуқии шаҳрвандон ва рӯзгордории оилаҳо, солиму устувор ва пойдор нигоҳ доштани оилаҳо ва коҳиш додани шумораи бекоршавии ақди никоҳ мебошад.
Дар ҷамъбасти озмун Абдулло Амонуллоев ва Ситора Абдолова ғолиб муайян шуда, ба онҳо ифтихорномаю туҳфаҳои хотиравӣ супорида шуданд.
Дар озмун муовини Раиси шаҳри Хоруғ Парӣ Ғуломҳайдарзода ва намояндагони шуъбаи кор бо занон ва оила иштирок намуда, аҳамияти чунин озмунҳоро дар ташаккули ҷомеаи солим ва устувории оилаҳо таъкид намуданд.
Ёдовар мешавем, ки Озмуни ҷумҳуриявии «Беҳтарин ҳамсар» дар мамлакат дар доираи амалишавии «Барномаи давлатии рушди оила дар Ҷумҳурии Тоҷикистон барои солҳои 2024–2028» гузаронида мешавад.
АКС: Мақомоти иҷроияи ҳокимияти давлатии шаҳри Хоруғ
Имрӯз дар шаҳри Душанбе ҳаво то 35 дараҷа гарм мешавад
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
