Дар Ховалинг ҷаласаи Шурои директорони муассисаҳои таҳсилоти миёнаи касбӣ баргузор гардид
ДУШАНБЕ, 25.08.2025 /АМИТ «Ховар»/. 23 август дар ноҳияи Ховалинг ҷаласаи навбатии Шурои директорони муассисаҳои таҳсилоти миёнаи касбии ҷумҳурӣ баргузор гардид, хабар медиҳад АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон.
Дар ҷаласа масъалаҳо вобаста ба роҳҳои баланд бардоштани сифати таълим дар муассисаҳои таҳсилоти миёнаи касбии ҷумҳурӣ, таъмини муассисаҳои таҳсилоти миёнаи касбӣ бо китобҳои дарсӣ, маводи таълимӣ ва роҳҳои бартараф намудани он, иҷрои талаботи бандҳои «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030», чораҳои амалишуда дар самти татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», ҷалби омӯзгорон ба корҳои илмӣ-таҳқиқотӣ мавриди баррасӣ қарор дода шуданд.
Иброз гардид, ки илму таҳсил аз соҳаҳои калидии мамлакат ба ҳисоб рафта, рушди иқтисод ва дигар ҷабҳаҳои ҷамъият ба он рабти қавӣ дорад. Президенти Ҷумҳурии Тоҷикистон муҳтарам Эмомалӣ Раҳмон онро соҳаи афзалиятноки мамлакат эълон намуда, масъалаи баланд бардоштани сифати таҳсилро пайваста дар суханрониҳо ва вохӯриҳояшон бо аҳли ҷомеа таъкид менамоянд.
Имрӯз ҳарчанд масъалаи баланд бардоштани сифати таҳсил дар муассисаҳои таҳсилоти миёнаи касбӣ то андозае ҳал шудааст, вале чанд мушкилие низ ба назар мерасанд, ки метавонанд дар оянда барои омода намудани мутахассисони ба талаботи замони муосир ҷавобгӯ монеа эҷод кунанд, ба монанди норасоии кадрҳои соҳибтахассус, нарасидани китобҳои дарсии соҳавӣ, мавҷуд набудани шароити мусоид барои мувофиқа кунонидани машғулияти назариявӣ бо амалӣ ва ғайра.
Бо мақсади таъмини муассисаҳо бо китобҳои дарсӣ 73 номгӯй китоб таҳия шуда, аз ин шумора 50 номгӯй нашр ва барои истифода ба муассисаҳои таълимӣ пешниҳод шудааст.
Дар анҷоми ҷаласа ба роҳбарони муассисаҳои таълимии таҳсилоти миёнаи касбӣ барои рафъи мушкилоти мавҷуда ва омодагии пурра ба соли нави таҳсил дастур дода шуд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
