ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
ДУШАНБЕ, 22.08.2025 /АМИТ «Ховар»/. Дар бозии ниҳоии Ҷоми Тоҷикистон дастаҳои футболи «Регар-ТадАЗ»-и шаҳри Турсунзода ва «Эсхата»-и шаҳри Хуҷанд вомехӯранд. Ин дидор 14 сентябри соли 2025, соати 17:00 дар варзишгоҳи «20-солагии Истиқлолияти Тоҷикистон»-и шаҳри Хуҷанд баргузор мешавад. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Фонди ҷоизавии Ҷоми Тоҷикистон-2025 оид ба футбол 100 ҳазор сомониро ташкил медиҳад. Барандаи ҷоиза бо 60 ҳазор сомонӣ ва иштирокчии рақобати финалӣ бо 40 ҳазор сомонӣ қадрдонӣ мешаванд.
Ёдовар мешавем, ки чанд рӯз пеш бозиҳои нимфиналии Ҷоми Тоҷикистон-2025 оид ба футбол баргузор гардиданд. Бозии аввал дар шаҳри Бохтар байни дастаҳои футболи «Вахш»-и шаҳри Бохтар ва Эсхата»-и шаҳри Хуҷанд доир гардида, бо ҳисоби 4 бар 3 ба фоидаи дастаи футболи «Эсхата»-и шаҳри Хуҷанд ба анҷом расид.
Дар бозии дигар, ки дар варзишгоҳи «Талко-арена»-и шаҳри Турсунзода баргузор шуд, дастаи футболи «Регар-ТадАЗ»-и шаҳри Турсунзода бар дастаи футболи «Равшан»-и шаҳри Кӯлоб бо ҳисоби 2:1 ғалаба кард.
Дар финали Ҷоми Тоҷикистон-2025, ки 14 сентябри соли 2025 дар варзишгоҳи «20-солагии Истиқлолияти Тоҷикистон»-и шаҳри Хуҷанд баргузор мегардад, ғолиби феълии Ҷоми миллӣ – дастаи футболи «Регар-ТадАЗ»-и шаҳри Турсунзода бо дастаи «Эсхата»-и шаҳри Хуҷанд бозӣ мекунад.
АКС: Федератсияи футболи Тоҷикистон
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
