ИМРӮЗ — РӮЗИ КОРМАНДОНИ СОҲАИ ТИБ. Дар Тоҷикистон 5254 муассисаи тиббӣ фаъолият менамояд
ДУШАНБЕ, 18.08.2025. /АМИТ «Ховар»/. Имрӯз дар Тоҷикистон Рӯзи кормандони соҳаи тиб муқаррар гардидааст. Дар ин рӯз, 1045 сол муқаддам яке аз фарзандони номвари тоҷик, олим, файласуф ва табиби машҳури олам Абуалӣ Ибни Сино ба дунё омадааст. Шуруъ аз соли 1995 Парлумони Тоҷикистон ин рӯзро ҳамчун иди касбии табибон ба номгӯйи идҳои давлатӣ ворид намуд.
Ёдовар мешавем, ки имрӯз дар пойтахти мамлакат-шаҳри Душанбе дар пояи муҷассамаи Абуалӣ ибни Сино гулчанбар гузошта шуд.
Ҳукумати Ҷумҳурии Тоҷикистон ҳамеша ба рушди соҳаи тандурустӣ ва таъмини шароити моддию маънавии кормандони тиб таваҷҷуҳи хосса зоҳир намуда, дар ин самт корҳои назаррас анҷом медиҳад. Аз рӯзҳои аввали ба даст овардани Истиқлолияти давлатӣ соҳаи тандурустӣ ва ҳифзи иҷтимоии аҳолӣ чун самти афзалиятноки сиёсати иҷтимоии давлату Ҳукумати Тоҷикистон қарор гирифта, барои рушди фаъолияти соҳа марҳила ба марҳила тадбирҳои зарурӣ амалӣ мегарданд.
Агар дар ҷумҳурӣ то соли 1991 ҳамагӣ 2862 муассисаи тандурустӣ фаъолият мекард, ҳоло шумораи муассисаҳои тиббӣ ба 5254 адад расидааст.
Дар айни замон дар ҷумҳурӣ 900 муассисаи хусусии тиббӣ бо 602 нафар шахсони ҳуқуқӣ ва 298 нафар шахсони воқеӣ фаъолият мекунанд. Дар муассисаҳои хусусии тиббӣ ҳамагӣ 4880 нафар, аз ҷумла 1982 нафар табибон, 1866 нафар кормандони миёнаи тиб ва 1032 нафар кормандони ёрирасон ва 19 нафар шаҳрвандони хориҷӣ фаъолият менамоянд.
Дар ҷумҳурӣ 69 корхонаи ватанӣ зиёда аз 610 намуд ва 355 номгӯй дору истеҳсол менамоянд. Дар онҳо молҳои тиббӣ ва коркарду бастубанди гиёҳҳои шифобахши ватанӣ низ ба роҳ монда шудааст. Муассисаҳои тиббӣ бо дастгоҳҳои муосири ташхисию табобатӣ муҷаҳҳаз гардонида шудаанд. Имрӯзҳо якчанд амалиёти мураккаби ҷарроҳӣ низ дар дохили мамлакат гузаронида мешаванд ва дигар ҳоҷати барои табобат ба хориҷа рафтан намондааст.
Бояд гуфт, ки дар ҳама давру замон солимии ҷомеа — солимии миллат, давлату минтақа ва дар умум сайёра дониста мешавад. Президенти Ҷумҳурии Тоҷикистон муҳтарам Эмомалӣ Раҳмон саломатии аҳолиро боигарии асосии давлату миллат номидаанд.
Ёдовар мешавем, ки имрӯз, соати 15:00 дар Филармонияи давлатии Тоҷикистон ба номи Акашириф Ҷӯраев бахшида ба Рӯзи касбии табибони Тоҷикистон ва 1045-солагии Абӯалӣ ибни Сино ҳамоиш доир мегардад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
