НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
ДУШАНБЕ, 04.08.2025 /АМИТ «Ховар»/. Мақомоти Ваколатдор оид ба ҳуқуқи инсон дар Ҷумҳурии Тоҷикистон бо мақсади таҳкими ҳамкорӣ моҳи сентябри соли равон бо мақомоти ваколатдори Давлати Қатар ва Булғористон Ёддошти тафоҳуми ҳамкорӣ ба имзо мерасонад, ки дар айни замон лоиҳаи он дар ҳоли баррасӣ қарор дорад. Чунин посух дод ба суоли мухбири АМИТ «Ховар» имрӯз зимни нишасти матбуотӣ Ваколатдор оид ба ҳуқуқи инсон дар Ҷумҳурии Тоҷикистон Умед Бобозода.
Умед Бобозода изҳор намуд, ки агар солҳои қаблӣ байни мақомоти Ваколатдор 1 ё 2 Ёддошти тафоҳуми ҳамкорӣ танҳо бо Федератсияи Русия ва ваколатдорони шаҳру навоҳии ин кишвар мавҷуд буд, ҳоло ҳамкорӣ бо дигар кишварҳо тавсеа ёфтааст. «Мақомоти Ваколатдор оид ба ҳуқуқи инсон дар Ҷумҳурии Тоҷикистон дар ду соли охир тавонист бо Ҷумҳурии Узбекистон, Арабистони Саудӣ, Италия ва дигар кишварҳо санадҳои ҳамкорӣ ба имзо расонад. Ҳоло лоиҳаи Ёддошти тафоҳуми ҳамкорӣ бо баъзе аз давлатҳои дигар, хусусан Ҷумҳурии Қатар, Булғористон дар ҳолати гуфтушунид қарор дошта, дар назар аст, ки моҳҳои сентябр баста шавад. Дар ин санад на танҳо ҳуқуқи инсон, балки дар маҷмуъ масъалаҳои ҳуқуқи кӯдак ва дигар масъалаҳо низ пешбинӣ шудаанд.
Ҳамкории пайваста бо шарикони рушд, аз ҷумла бо Барномаи Рушди Созмони Милали Муттаҳид ва Хазинаи кӯдакони Созмони Милали Муттаҳид вобаста ба таҳия ва амалисозии «Барномаи таълим дар соҳаи ҳуқуқи инсон барои солҳои 2022-2026» идома дорад.
Ҳамзамон иттилоъ дода шуд, ки бо мақсади мусоидат намудан ба такмили қонунгузории Ҷумҳурии Тоҷикистон дар соҳаи ҳуқуқи инсон кормандони дастгоҳи марказии Ваколатдор оид ба ҳуқуқи инсон лоиҳаи 30 санади меъёрии ҳуқуқиро мавриди омӯзиш қарор дода, хулосаҳо пешниҳод намуданд.
Шаҳлои САДРИДДИН,
АМИТ «Ховар»
АКС: АМИТ «Ховар»
ИМРӮЗ–РӮЗИ ИТТИФОҚҲОИ КАСАБА. Беш аз 15 ҳазор аъзои иттифоқи касаба ба солимгардонӣ фаро гирифта шуданд
Бахшида ба Рӯзи байналмилалии бабри барфӣ дар Хоруғ конфронси илмӣ-амалӣ доир шуд
ПУРСИДЕД, ҶАВОБ МЕДИҲЕМ. Доғи судӣ чӣ гуна метавонад монеаи гирифтани патент дар Федератсияи Русия гардад?
Оид ба идоракунии инноватсионии давлатӣ дар шароити трансформатсияи иқтисоди рақамӣ дар Тоҷикистон ҳамоиш доир шуд
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
