Президенти Ҷумҳурии Тоҷикистон Эмомалӣ Раҳмон Муассисаи таҳсилоти миёнаи умумии №129-ро дар маҳаллаи Сомони ноҳияи Фирдавсӣ ифтитоҳ намуданд

Август 15, 2025 10:32

ДУШАНБЕ, 15.08.2025 /АМИТ «Ховар»/. Муассисаи таҳсилоти миёнаи умумии №129 дар маҳаллаи Сомони ноҳияи Фирдавсӣ сеюмин иншооти соҳаи маориф аст, ки санаи 15-уми август бо иштироки Пешвои миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ифтитоҳ ёфт.

Иншоот дар идомаи ташаббусҳои раҳнамунсози Роҳбари давлат муҳтарам Эмомалӣ Раҳмон дар самти беҳсозии фазои таълиму тарбия ва рушди соҳаи илму маориф аз ҷониби соҳибкори ватанӣ Умар Алимадов сохта шудааст.

Ба ҳолати имрӯз шумораи хонандагони Муассисаи таҳсилоти миёнаи умумии №129 дар маҳаллаи Сомони ноҳияи Фирдавсӣ 1733 нафарро ташкил медиҳад. Иншоот имкони дар беҳтарин шароит ба таҳсил фаро гирифтани насли ояндаи миллатро дорад, зеро 56 синфхонаи муҷаҳҳаз бо муҳимтарин лавозимоти хониш барои 3400 хонанда дар ду баст пешбинӣ шудааст.

Кабинетҳои фаннии химия, биология, физика, география, технологияи меҳнат, омодагии ибтидоии ҳарбӣ ва технологияи иттилоотӣ мутобиқ ба талабот сохта шуда, ба ташаккули зеҳну тафаккури хонандагон замина хоҳад гузошт.

Истифода аз ду китобхона: электронӣ ва анъанавӣ дастрасии хонандагонро ба адабиёт ва барномаҳои таълимии дар сомонаҳо маҳфуз таъмин месозад.

Муассиса дар маҷмуъ дорои наздик ба 60 компютери пайваст бо шабакаи байналмилалии интернет аст.

Толори барҳаво ва муҷаҳҳази варзиш, ки дар муассиса сохта шудааст, ба тарғибу ташаккули тарзи ҳаёти солим ва ҷисман обу тоб ёфтани хонандагон мусоидат мекунад.

Маҷлисгоҳ бо 310 ҷойи нишаст, ошхона бо 216 ҷойи нишаст, ҳуҷраи табиб ва дигар иншооти ёрирасон, ки дар муассиса сохта шудаанд, дар маҷмуъ ба беҳбудии сифати таҳсил ва кору фаъолияти омӯзгорон замина мегузорад.

Зимни шиносоӣ бо шароиту имконоти ин муассисаи нави таълимӣ Певшои миллат ба сифати корҳои сохтмонӣ баҳои баланд дода, саҳмгузорӣ дар соҳибилм шудани насли наврасро амали шоиста унвон намуданд.

Аз ин хотир ба соҳибкори саховатпешаю ватандӯст барои ин ташаббуси воло арзи сипос намуда, омӯзгорони ин муассисаи зеборо ба таълиму тарбияи хуби насли оянда ҳидоят карданд.

Ифтитоҳи муассисаи таҳсилоти миёнаи умумии №129 дар шаҳри Душанбе 15.08.2025

Август 15, 2025 10:32

Хабарҳои дигари ин бахш

Сулҳу субот, ваҳдат ва оромӣ бо иродаи сиёсӣ ва нақши таърихии Президенти Тоҷикистон таъмин гардид
Рӯзи Истиқлолияти давлатиро дар Донишкадаи кӯҳию металлургии Тоҷикистон пуршукуҳ ҷашн гирифтанд
Дар Суди конститутсионӣ бахшида ба Истиқлоли давлатӣ ҷаласаи тантанавӣ баргузор шуд
Истиқлол мазҳари идеалу ормонҳои таърихии мардуми тоҷик аст
Дар Кӯлоб бо ҷавонон ва фаъолони ҳизб вохӯрӣ баргузор гардид
Истиқлолияти давлатӣ симои миллат ва муаррифи давлат дар арсаи ҷаҳон мебошад
Ба ифтихори 34-солагии Истиқлоли давлатӣ дар ҷамоатҳои шаҳраку деҳоти ноҳияи Рашт барномаҳои идона доир карда шуданд
ИСТИҚЛОЛ — МАЗҲАРИ ИФТИХОР ВА САРФАРОЗИИ ТОҶИКОН. Доир ба он дар Маркази миллии патенту иттилоот ҳамоиши идона баргузор гардид
Дар бораи нақши Пешвои миллат дар таҳкими Истиқлоли давлатӣ ҳамоиши идона доир шуд
Дар Вазорати адлия Рӯзи Истиқлолияти давлатиро ҷашн гирифтанд
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ