ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст

Дар ин рӯзи соли 2009 байни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе ба имзо расид.

***

4 августи соли 2011 дар шаҳри Истаравшан дар Ҷамъияти саҳомии пӯшидаи «Оби Зулол» бо иштироки Президенти Ҷумҳурии Тоҷикистон муҳтарам Эмомалӣ Раҳмон коргоҳи нави коркарди меваю сабзавот ба истифода дода шуд.

***

4 августи соли 2016 Президенти Ҷумҳурии Тоҷикистон муҳтарам Эмомалӣ Раҳмон бо мақсади шиносоӣ бо корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуданд.

***

4 августи соли 2021 баъд аз анҷоми мулоқоту музокироти сатҳи олӣ дар ҳузур ва бо иштироки Сарони давлатҳо муҳтарам Эмомалӣ Раҳмон ва Гурбонгулӣ Бердимуҳамадов маросими имзои санадҳои нави ҳамкорӣ баргузор шуд. Президенти Ҷумҳурии Тоҷикистон муҳтарам Эмомалӣ Раҳмон ва Президенти Туркманистон Гурбонгулӣ Бердимуҳаммадов ба Изҳороти муштараки Президенти Ҷумҳурии Тоҷикистон ва Президенти Туркманистон имзо гузоштанд.

***

4 августи соли 2022 дар пойтахти Тоҷикистон –шаҳри Душанбе дар нахустин Намоишгоҳи байналмилалии сохтмонии «TajBuild» қариб 70 ширкати бонуфузи сохтмонии ватанию хориҷӣ имконият ва иқтидору зарфияти худро ба намоиш гузоштанд.

***

4 августи соли 2023 Президенти Ҷумҳурии Тоҷикистон муҳтарам Эмомалӣ Раҳмон барои иштирок дар вохӯрии сарони давлатҳои Ҷумҳурии Тоҷикистон, Туркманистон ва Ҷумҳурии Узбекистон вориди шаҳри Ашқободи Туркманистон шуданд.

4 АВГУСТ:

Дар ИМА – Рӯзи посбони соҳил.

ДАР ИН РӮЗ ТАВАЛЛУД ШУДААНД:

Бурҳониддин Баҳоваддинов — соли 1953 — духтури хуншинос (гематолог), доктори илми тиб, профессор, Аълочии тандурустии Тоҷикистон.