Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
ДУШАНБЕ, 28.08.2025 /АМИТ «Ховар»/. 26 август вохӯрии Вазири меҳнат, муҳоҷират ва шуғли аҳолии Ҷумҳурии Тоҷикистон Солеҳа Холмаҳмадзода бо сармутахассиси сохтори махсуси Бонки рушди Осиё Шин Лонг доир гардид, ки зимни он ҷонибҳо масъалаҳои марбут ба татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ»-ро мавриди баррасӣ қарор доданд. Дар ин хусус ба АМИТ «Ховар» аз Вазорати меҳнат, муҳоҷират ва шуғли аҳолӣ хабар доданд.
Вазири меҳнат, муҳоҷират ва шуғли аҳолии Ҷумҳурии Тоҷикистон оид ба корҳои анҷомдода, аз ҷумла дар муҳлатҳои муқарраргардида сохта, ба истифода додани биноҳои замонавии марказҳои касбомӯзӣ ва хизматрасонӣ ва марказҳои рушди малакаҳо дар шаҳрҳои Хуҷанд, Бохтар, Роғун ва ноҳияи Данғара, ифтитоҳи Маркази рушди малакаҳо дар шаҳри Душанбе ва сохтмони Маркази касбомӯзӣ ва хизматрасонӣ дар ноҳияи Восеъ, ки то ҳол ба истифода дода нашудааст, вале омӯзиши касбӣ ва машваратҳо аллакай ба роҳ монда шудаанд, маълумот пешниҳод намуд.
Иброз гардид, ки дар ҳамаи марказҳо омӯзиши касбӣ идома дошта, хоҳишмандон метавонанд ба таври ройгон аз хизматрасонии ин марказҳо истифода намоянд.
Таъкид гардид, ки заноне, ки ба омӯзиши касбҳои ғайрианъанавӣ ҷалб мегарданд, бо идрорпулӣ, яъне стипендия таъмин гардида, ҳангоми касбомӯзӣ имкон доранд аз хизматрасонии Марказ барои нигоҳубини кӯдакон истифода намоянд.
Инчунин иттилоъ дода шуд, ки шаҳрвандони мамлакат, ки азми сафар ба муҳоҷирати меҳнатӣ доранд, метавонанд пеш аз сафар аз дилхоҳ марказ оид ба қонунгузории давлати қабулкунанда, урфу одат ва қоидаҳои буду бош машваратҳои ҳуқуқӣ гирифта, дониши молиявӣ ва компютерии худро барои амнияти маълумот дар шабакаи интернет ва роҳҳои бехатари ирсоли маблағҳо ба ватан баланд бардоранд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
