«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ДУШАНБЕ, 22.08.2025. /АМИТ «Ховар»/. Провайдери миллии интернетии «Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид. Дар ин хусус мухбири АМИТ «Ховар» хабар медиҳад.
Директори тиҷоратии Ҷамъияти саҳомии кушодаи «Tojiktelecom» Ҷамшед Бобоалиев иброз намуд, ки «Ҷоми CAFA Nations 2025 имконияти хуб барои нишон додани хислату неру ва муттаҳид намудани мухлисон ва эълон кардани қудрати футболи тоҷик дар арсаи байналмилалӣ мебошад. Сарпарасти ин мусобиқа будан ва дастаи миллии худро дар роҳи пирӯзӣ дастгирӣ намудан барои «Tojiktelecom» боиси ифтихор аст».
Бояд гуфт, ки имсол дар ин мусобиқа 8 даста ба ду гурӯҳ тақсим мешаванд. Ба гурӯҳи А Узбекистон, Қирғизистон, Туркманистон, Уммон ва ба гурӯҳи В Тоҷикистон, Эрон, Афғонистон ва Ҳиндустон дохил мебошанд.
Майдони Ҳисор ба саҳнаи бозиҳои муҳими тими миллии Тоҷикистон табдил хоҳад ёфт. Футболбозони мо бо дастаҳои Эрон, Афғонистон ва Ҳиндустон бозӣ намуда, мухлисон аз тамошои бозии шавқовари дастаҳо лаззат хоҳанд бурд.
Тибқи ҷадвали бозиҳо, 29 августи соли равон тими футболи Тоҷикистон-Ҳиндустон, 1 сентябр Афғонистон-Тоҷикистон, 4 сентябр Тоҷикистон-Эрон ва 8 сентябр бозӣ барои мақоми ҷои сеюм дар Душанбе баргузор хоҳад шуд.
Ширкати «Tojiktelecom» бо шарикӣ дар ин мусобиқа на танҳо дастаи мунтахаби мамлакатро ҳамроҳӣ менамояд, балки барои мухлисони саросари ҷумҳурӣ фазои ягонагӣ, эҳсосот ва неруи фаромӯшношудании футболро фароҳам меорад.
АКС: АМИТ «Ховар»
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
