10 РӮЗИ АМАЛИЁТИ ШАРТИИ «ТАСМАИ БЕХАТАРӢ» ВА «СКУТЕР». Зиёда аз 1000 ҳолати риоя нагардидани қоидаҳои ҳаракат дар роҳ ошкор гардид
ДУШАНБЕ, 26.09.2025. /АМИТ «Ховар»/. Тавре қаблан иттилоъ додем, аз 15 то 25 сентябр дар шаҳри Душанбе амалиёти шартии «Тасмаи бехатарӣ» ва «Скутер» гузаронида шуд. Дар доираи ин амалиёт нисбат ба 1250 нафар барои истифода накардани тасмаи бехатарӣ ва нисбат ба 60 ронандаи дучарха ва скутер бо моддаи 333-и Кодекси ҳуқуқвайронкунии Ҷумҳурии Тоҷикистон санадҳои маъмурӣ тартиб дода шуданд.
Тавре ба АМИТ «Ховар» аз Раёсати Вазорати корҳои дохилӣ дар шаҳри Душанбе хабар доданд, дучарха ва скутерҳои ронандагоне, ки қоидаҳои ҳаракат дар роҳро дағалона вайрон кардаанд, дар ҷаримагоҳи муваққатӣ нигоҳ дошта мешаванд.
Тибқи иттилои шуъбачаи ташвиқотӣ ва тарғиботии Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон, имсол дар қаламрави Тоҷикистон аз ҷониби ронандагони мототсикл ва скутерҳо 140 ҳодисаи нақлиётӣ ба қайд гирифта шуд, ки бар асари он 51 нафар ба ҳалокат расида, 122 нафари дигар ҷароҳати ҷисмонӣ бардоштаанд.
Бояд гуфт, ки дар шароити имрӯза шиддати ҳаракати воситаҳои нақлиёт зиёд гардидааст. Риояи қоидаи ҳаракат дар роҳ ва пешгирии ҳодисаҳои нақлиётӣ аз ҷониби наврасон аҳамияти махсус дорад. Мушоҳидаҳо нишон медиҳанд, ки бархе хонандагон ба муассисаҳои таълимӣ бо дучарха ва скутер мераванд, ки ин дар ҷомеа ҳолати нигаронкунанда пеш овардааст. Масъулини Раёсати Бозрасии давлатии автомобилии Вазорати корҳои дохилӣ дар ҳамкорӣ бо сохторҳои дахлдор дар доираи ин амалиёт дар якчанд муассисаҳои таълимии шаҳри Душанбе корҳои фаҳмондадиҳӣ гузарониданд. Зимни вохӯрӣ бо ноболиғон масъулин доир ба вазъи ҳодисаҳои роҳу нақлиёт бо иштироки кӯдакону наврасон ва сабабу омилҳои ба онҳо мусоидаткунанда маълумоти муфассал доданд.
Раёсати Вазорати корҳои дохилӣ дар шаҳри Душанбе аз шаҳрвандон хоҳиш менамояд, ки дар роҳҳо эҳтиёткорона ҳаракат карда, қоидаҳои ҳаракат дар роҳро қатъиян риоя намоянд. Зеро риояи ин талабот кафолати амнияти шахсии дигар иштирокчиёни ҳаракат дар роҳ ба шумор меравад.
Ёдовар мешавем, ки амалиёти шартии «Тасмаи бехатарӣ» ва «Скутер» бо мақсади баланд бардоштани маърифатнокии шаҳрвандон оид ба риояи қоидаҳои ҳаракат дар роҳ, пешгирии ҳодисаҳои роҳу нақлиёт ва таъмини амнияти иштирокчиёни ҳаракат аз ҷониби кормандони милитсияи пойтахт пайваста гузаронида мешавад.
Моҳинави НАВРӮЗ,
АМИТ «Ховар»
АКС: Раёсати Вазорати корҳои дохилӣ дар шаҳри Душанбе
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
