Бахшида ба Истиқлоли давлатӣ кормандони Агентии назорати давлатии молиявӣ ва мубориза бо коррупсия бо рутбаҳои навбатӣ қадрдонӣ шуданд
ДУШАНБЕ, 06.09.2025 /АМИТ «Ховар»/. Имрӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба муносибати ҷашни Истиқлоли давлатии Ҷумҳурии Тоҷикистон ҷамъомади тантанавӣ баргузор гардид. Дар ин хусус ба АМИТ «Ховар» аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд.
Директори Агентӣ Сулаймон Султонзода таъкид намуд, ки Рӯзи Истиқлоли давлатии Ҷумҳурии Тоҷикистон аз ҷумлаи санаҳои тақдирсозу тақдирофари миллати тоҷик маҳсуб мешавад, зеро маҳз дар ин рӯз ормонҳои ҳазорсолаи ниёгон амалӣ шуда, давлати соҳибистиқлолу соҳибихтиёри тоҷикон ба арсаи таърих ворид гардид.
Тазаккур дода шуд, ки ҳама дастовардҳои даврони соҳибистиқлолӣ маҳз таҳти сарварӣ ва роҳнамоии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба даст омада, Тоҷикистонро ба марҳалаи нави пешрафту тараққӣ расонидаанд.
Дар ҷамъомад як зумра кормандони Агентӣ бо назардошти натиҷаҳои назарраси хизматӣ ва иҷрои намунавии вазифаҳои худ аз ҷониби роҳбарияти Агентӣ бо нишони сарисинагӣ, сипосномаву ифтихорнома ва рутбаҳои навбатӣ сарфароз гардонида шуданд. Аз ҷумла, 15 нафар бо нишони сарисинагии «Аълочии мақомоти назорати давлатии молиявӣ ва мубориза бо коррупсия», 21 нафар бо «Ифтихорнома», 19 нафар бо «Сипоснома», 1 нафар бо медали ҷашнии «15-солагии Агентии назорати давлатии молиявӣ ва мубориза бо коррупсияи Ҷумҳурии Тоҷикистон», 5 нафар пеш аз муҳлат бо рутбаҳои махсуси навбатӣ ва 30 нафар бо рутбаҳои тахассусию махсуси навбатӣ қадрдонӣ карда шуданд.
Ҳамзамон бо мақсади дар сатҳи баланд таҷлил намудани 34-солагии Истиқлоли давлатӣ дар тамоми раёсату шуъбаҳои маҳаллию минтақавии Агентӣ ҷамъомадҳо ва чорабиниҳои идона доир гардиданд.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
Дар Вазорати адлия Рӯзи Истиқлолияти давлатиро ҷашн гирифтанд
Дар «Роҳи оҳани Тоҷикистон» 34-солагии Истиқлоли давлатиро бо тантана таҷлил намуданд
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
«ДУШАНБЕ — МУАРРИФУ ТАҲКИМБАХШИ АРЗИШҲОИ СОҲИБИСТИҚЛОЛӢ». Бардошт аз ҳамоиши илмӣ-адабӣ
ИСТИҚЛОЛИЯТ — ҚИМАТТАРИН НЕЪМАТИ ЗИНДАГӢ. Дар мақомоти Ваколатдор оид ба ҳуқуқи инсон ҳамоиши идона баргузор шуд
Дар замони соҳибистиқлолии Тоҷикистон даромадҳои пулии аҳолӣ аз 1 миллиард то 147 миллиард сомонӣ зиёд гардид
МУҶАССАМАИ ИСМОИЛИ СОМОНӢ. Аз ифтитоҳи ин маҷмааи миллӣ 26 сол пур шуд
Тоҷикистони соҳибистиқлол дар ҷомеаи мутамаддини асри ХXI ҷойгоҳ ва мақоми шоиста дорад
Дар Агентии назорати давлатии энергетикии Тоҷикистон ҷашни Истиқлоли давлатӣ бошукуҳ таҷлил гардид
«ЗАН ВА ИСТИҚЛОЛИЯТ». Дар ноҳияи Рӯдакӣ таҳти чунин унвон конференсияи илмӣ доир шуд
ИСТИҚЛОЛИ ДАВЛАТӢ БУЗУРГТАРИН ВА МУҚАДДАСТАРИН НЕЪМАТ. Андешаҳои Пешвои миллат доир ба ин неъмати бебаҳо
Дар Агентии суғуртаи иҷтимоӣ ва нафақа ҷашни Истиқлолияти давлатиро бошукуҳ таҷлил намуданд
