Бахшида ба Рӯзи дониш дар Донишкадаи кӯҳию металлургии Тоҷикистон ҳамоиш баргузор шуд
ДУШАНБЕ, 02.09.2025 /АМИТ «Ховар»/. Бахшида ба Рӯзи дониш дар Донишкадаи кӯҳию металлургии Тоҷикистон ҳамоиш баргузор шуд, хабар доданд ба АМИТ «Ховар» аз донишкада.
Ректори донишкада Бахтиёр Маҳмадалӣ иброз дошт, ки Президенти Ҷумҳурии Тоҷикистон муҳтарам Эмомалӣ Раҳмон пайваста барои рушди соҳаи маориф ва баланд гардидани сифати таҳсил таъкид менамоянд. Ҳамасола барои аз маориф дур намондани насли наврас садҳо мактабу муассисаҳои таълимӣ бунёд мешаванд, ки ин самараи ғамхории падаронаи Пешвои миллат муҳтарам Эмомалӣ Раҳмон мебошад.
Илму дониш инсонро аз ҷаҳолат наҷот медиҳанд, ба мақсад мерасонанд ва инсонро месабзонанд. Ҳамин аст, ки Пешвои миллат муҳтарам Эмомалӣ Раҳмон доимо мегӯянд: «Танҳо саводу маърифат ва илму дониш инсонро аз ҳама бадбахтиву нокомиҳо наҷот мебахшанд».
Бахтиёр Маҳмадалӣ аз дастовардҳои донишкада ёдовар шуда, иброз дошт, ки имсол дар донишкада озмоишгоҳҳои зеҳни сунъӣ, иқтисодиёти рақамӣ ва таъминоти барқ аз дастовардҳои муҳим ба ҳисоб мераванд.
«Вазифаи мо, ҳайати профессорию омӯзгории Донишкадаи кӯҳию металлургии Тоҷикистон тарбия намудани мутахассисони варзида, ватандӯсту меҳнатдӯст ва содиқ ба касби худ мебошад. Омода намудани мутахассисони варзида дар соҳаи саноат саҳми мо дар рушди Ватан мебошад. Ба ҳамин хотир мо бояд бештар ҳаракат намоем, то донишҷӯёни мо дар ҳама соҳаҳои саноат аз беҳтаринҳо бошанд»,-гуфт Бахтиёр Маҳмадалӣ.
Дар ҳамоиш ба панҷ нафар хатмкардаи донишкада Дипломи аъло тақдим гардида, чанд омӯзгор бо унвони «Аълочии маориф ва илми Ҷумҳурии Тоҷикистон» сарфароз гардонида шуд.
АКС: Донишкадаи кӯҳию металлургии Тоҷикистон
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
