Дар Маркази инноватсионии Чину Тоҷикистон оид ба маҳсулоти табиӣ коргоҳи истеҳсоли маводи доруворӣ ба истифода дода шуд
ДУШАНБЕ, 22.09.2025 /АМИТ «Ховар»/. Имрӯз дар заминаи Муассисаи илмию таҳқиқотии «Маркази инноватсионии Чину Тоҷикистон оид ба маҳсулоти табиӣ», ки аз растаниҳои шифобахши флораи Тоҷикистон истеҳсол карда мешаванд, коргоҳи хурди истеҳсоли маводи доруворӣ мавриди истифода қарор дода шуд. Дар ин хусус ба АМИТ «Ховар» аз Академияи миллии илмҳои Тоҷикистон хабар доданд.
Дастгоҳҳои насбкардашуда бо кумаки Институти техникии физика ва химияи Шинҷони Академияи илмҳои Чин бо маблағи 1,5 миллион сомонӣ ҳамчун маблағи бебозгашт оварда шудаанд. Зиёда аз 20 дастгоҳи наву замонавӣ муҷаҳҳаз гардонида шудааст.
Мақсади асосии насби дастгоҳҳои нави дорусозӣ аз он иборат мебошад, ки дар асоси растаниҳои омӯхташуда таҳия ва технологияи маводи доруворӣ ба роҳ монда мешавад. Олимони марказ аллакай дастгоҳҳоро ба кор андохта, аз растаниҳои шифобахши флораи Тоҷикистон маводи доруворӣ истеҳсол намудаанд, ки натиҷааш ба ҳайати роҳбарияти Академияи миллии илмҳо муаррифӣ карда шуд.
Бояд гуфт, ки Муассисаи илмию таҳқиқотии «Маркази инноватсионии Чину Тоҷикистон оид ба маҳсулоти табиӣ» бо мақсади мустаҳкам намудани ҳамкории илмӣ ва амалигардонии он дар самтҳои муҳимтарини таҳқиқоти бунёдӣ ва амалӣ дар соҳаҳои илмҳои табиӣ ва техникӣ байни Академияи миллии илмҳои Тоҷикистон ва Институти техникии физика ва химияи Шинҷони Академияи илмҳои Чин таъсис дода шудааст.
АКС: Академияи миллии илмҳои Тоҷикистон
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
«РОБИАИ БАЛХӢ–НАХУСТИН НИДОИ ИШҚ». Бахшида ба 1050-солагии Робиаи Балхӣ ҳамоиши илмӣ–адабӣ доир шуд
Дар Душанбе бо иштироки беш аз 30 муассисаи нашриявӣ намоиши китоб оғоз гардид
«TAJIKISTAN, UNA CULTURA DA SCOPRIRE». Нашрияи итолиёвӣ доир ба мероси таърихию фарҳангии тоҷикон мақола чоп намуд
Ҷашнвораи ҳаштуми байналмилалии театрҳои лӯхтак «Чодари хаёл» оғоз гардид
Пагоҳ Намоишгоҳи чордаҳуми байналмилалии «Китоби Душанбе» оғоз мегардад
