Дар шаҳри Бӯстон ташхиси ройгони тиббии шаҳрвандон гузаронида шуд
ДУШАНБЕ, 28.09.2025. /АМИТ «Ховар»/. Дар шаҳри Бӯстони вилояти Суғд барои пешгирӣ ва сари вақт дарёфт намудани бемориҳои фарбеҳӣ, диабети қанд ва фишорбаландӣ ташхиси ройгон гузаронида шуд.
Тавре аз Мақомоти иҷроияи ҳокимияти давлатии шаҳри Бӯстон итилоъ доданд, аз ҷониби кормандони Муассисаи давлатии «Кумаки аввалияи тиббию санитарӣ» ва Маркази шаҳрии ташаккули тарзи ҳаёти солим 820 нафар шаҳрвандон аз ташхис гузаронида шуданд. Дар натиҷа дар 24 нафар бемории диабети қанд, дар 219 нафар бемории фарбеҳӣ ва дар 123 нафар фишорбаландӣ дарёфт карда шуд.
Ба иттилои мутахассисон, омили гирифтории инсон ба ин бемориҳо риоя накардани реҷаи хӯрокхӯрӣ, ба варзиш машғул нгардидан ва камҳаракатӣ мебошад
Омилҳои гирифтор шудан ба бемории диабети қанд хеле зиёд мебошанд. Ин беморӣ ирсӣ низ мебошад. Диабети қанд бемории генетикие аст, ки аз насл ба насл мегузарад. Омилҳои дигари он ҳолатҳои зиёди стресс, қабули аз меъёр зиёди хӯрок ва камҳаракатӣ мебошанд.
Мутахассисон тавсия медиҳанд, ки инсон бояд тарзи ҳаёти солимро пеш барад. Яъне бояд ба варзиш машғул шуда, меваю сабзавотро бештар истеъмол намояд. Сайру гашт дар ҳавои тоза низ хеле муфид аст. Инчунин бояд аз хӯрокҳои зудтайёр ва ё таоми дуюм худдорӣ кард.
Аз ҷониби кормандони муассисаи Кумаки аввалияи тиббию санитарӣ ва Маркази шаҳрии ташаккули тарзи ҳаёти солим барои пешгирии ин бемориҳо ба шаҳрвандон варақаҳои иттилоотӣ тақсим карда шуданд.
АКС: Мақомоти иҷроияи ҳокимияти давлатии шаҳри Бӯстон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
