Дар шаҳри Кӯлоб терминали мусофирбарии «Гулбоғ» ба истифода дода шуд
ДУШАНБЕ, 11.09.2025 /АМИТ «Ховар»/. Дар рӯзҳои таҷлили 34-солагии Истиқлоли давлатии Ҷумҳурии Тоҷикистон дар шаҳри Кӯлоб терминали мусофирбарии «Гулбоғ» мавриди истифода қарор дода шуд, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Терминали мусофирбарӣ дар ҳудуди деҳаи Гулбоғи Ҷамоати деҳоти Зиракии шаҳри Кӯлоб бунёд гардида, баъди ба истифода додани иншооти нав 15 сокини маҳаллӣ соҳиби ҷойи кори доимӣ гардиданд. Дар дохили терминал ба хотири таъмини шароити хуб барои мусофирон ва меҳмонон толори интизорӣ, толори модару кӯдак ва ошхона бунёд карда шудаанд. Минбаъд воситаҳои нақлиёти автомобилие, ки аз самти ноҳияҳои Муъминободу Ховалинг ва ҷамоатҳои Даҳанаву Зиракӣ ба самти шаҳри Кӯлоб меоянд, ҳамзамон воситаҳои нақлиёти ҷамъиятие, ки дар дохили шаҳр фаъолият менамоянд, метавонанд ба таври васеъ аз ин терминал истифода баранд.
Инчунин дар Боғи фарҳангию фароғатии ба номи Саидалӣ Вализодаи Донишгоҳи давлатии Кӯлоб ба номи Абӯабдуло Рӯдакӣ майдончаи замонавии варзишӣ ва дар маҳаллаи «Якуми май» фурӯшгоҳи масолеҳи сохтмонию ороиши хона ба истифода дода шуданд.
Бахшида ба 35-солагии Истиқлоли давлатии Ҷумҳурии Тоҷикистон дар шаҳри Кӯлоб корҳои созандагию бунёдӣ идома доранд. Тибқи нақша, дар шаҳри Кӯлоб 492 иншоот бунёд, навсозӣ ва таъмир карда мешаванд. Аз ин шумора 450 иншоот аллакай мавриди истифода қарор гирифтаанд.
АКС: Вазорати нақлиёти Ҷумҳурии Тоҷикистон
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
