Доир ба нақши Президенти Тоҷикистон дар таҳкими Истиқлоли давлатӣ конфронс баргузор шуд
ДУШАНБЕ, 17.09.2025. /АМИТ «Ховар»/. 16 сентябр дар Донишгоҳи давлатии омӯзгории Тоҷикистон ба номи Садриддин Айнӣ дар ҳамбастагӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони «Нақши Пешвои миллат муҳтарам Эмомалӣ Раҳмон дар таҳкими Истиқлоли давлатии Ҷумҳурии Тоҷикистон дар роҳи расидан ба ормонҳои миллӣ» конфронси илмӣ-амалӣ баргузор гардид. Дар ин хусус ба АМИТ «Ховар» аз ин донишгоҳ иттилоъ доданд.
Нахуст меҳмонони конфронс бо намоиши дастовардҳои илмии донишгоҳ ва толорҳои намоишии осорхонаи он, инчунин комёбиҳои самти илм ва таъриху фарҳанги миллати тоҷик шинос шуданд.
Дар ҷараёни конфронс иброз гардид, ки «Истиқлоли давлатӣ барои ҳар миллат арзиши муқаддас ва сарнавиштсоз мебошад. Ҷумҳурии Тоҷикистон пас аз 9 сентябри соли 1991 истиқлоли худро эълон намуд, вале солҳои аввали он пур аз мушкилиҳо ва хатарҳои ҷиддии сиёсӣ, иқтисодӣ ва иҷтимоӣ буданд. Дар ҳамин шароит ворид шудани шахсияти барҷаста- муҳтарам Эмомалӣ Раҳмон ҳамчун Сарвари давлат ба саҳнаи сиёсӣ дар наҷоти давлатдории тоҷикон нақши ҳалкунанда бозид».
Таъкид шуд, ки нақши Пешвои миллат муҳтарам Эмомалӣ Раҳмон дар таҳкими Истиқлоли давлатӣ таърихӣ ва сарнавиштсоз мебошад. Маҳз роҳбарии оқилона ва сиёсати дурбинонаашон буд, ки Тоҷикистон тавонист аз вартаи ҷанг раҳоӣ ёбад, пояҳои давлатдории худро мустаҳкам намояд ва ба сӯи амният, субот ва рушд ҳаракат кунад. Ин дастовардҳо роҳро барои расидан ба ормонҳои миллӣ — ҷомеаи муттаҳид, давлати пешрафта ва мақоми шоиста дар ҷомеаи ҷаҳонӣ ҳамвор намуданд.
Дар анҷоми конфронс ба як зумра иштирокчиёни фаъол «Сипоснома»-и Кумитаи кор бо ҷавонон ва варзиши назди Ҳукумати Ҷумҳурии Тоҷикистон тақдим гардид.
АКС: Донишгоҳи давлатии омӯзгории Тоҷикистон ба номи Садриддин Айнӣ
ҲАМГИРОИИ ИҶТИМОИЮ ИҚТИСОДИИ ТОҶИКИСТОН ВА ЧИН ДАР МАРҲАЛАИ НАВИ ШАРИКИИ СТРАТЕГӢ. Андешаҳо оид ба сафари давлатии Президенти Тоҷикистон ба Ҷумҳурии Мардумии Чин
Дар Донишгоҳи технологии Тоҷикистон ба муносибати Рӯзи ҷавонони Тоҷикистон ҳамоиш баргузор шуд
Дар Донишгоҳи технологии Тоҷикистон намоиши маҳсулот ва ҷойи холии кор баргузор шуд
«ТОҶИ САРИ ҶУМЛА ҲУНАРҲОСТ ИЛМ». Дар Душанбе байни хонандагони муассисаҳои таҳсилоти миёнаи умумӣ озмуни шаҳрӣ оғоз шуд
Бахшида ба Рӯзи ҷаҳонии футбол дар Донишгоҳи давлатии ҳуқуқ, бизнес ва сиёсати Тоҷикистон мусобиқаи футбол доир гардид
Донишҷӯи Донишгоҳи байналмилалии забонҳои хориҷии Тоҷикистон дар Озмуни байналмилалии «Пули чинӣ» соҳиби ҷойи якум шуд
Тоҷикистон ва Чин дар соҳаи зеҳни сунъӣ Ёддошти тафоҳум имзо намуданд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак ба сохтмони ду иншооти нави соҳаи маориф оғоз бахшида шуд
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
