Раиси Маҷлиси намояндагон бо ҳайати Парлумони Иттиҳоди Аврупо вохӯрӣ намуд
ДУШАНБЕ, 16.09.2025. /АМИТ «Ховар»/. 15 сентябр Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода бо ҳайати вакилони Парлумони Иттиҳоди Аврупо таҳти роҳбарии хонум Ҷузеппина Принчи — Раиси ҳизби халқии Аврупо, ҳамраиси ҷаласаи 12-уми Кумитаи ҳамкории парлумонии Ҷумҳурии Тоҷикистон — Иттиҳоди Аврупо вохӯрӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Зимни вохӯрӣ дурнамои ҳамкории дуҷониба ва бисёрҷонибаи Тоҷикистону Иттиҳоди Аврупо, аз ҷумла таҳкими муносибатҳои байнипарлумонӣ баррасӣ карда шуд.
Таъкид гардид, ки ду ҳуҷҷати стратегӣ — Созишномаи шарикӣ ва ҳамкорӣ (СШҲ, соли 2004) ва Стратегияи нави Иттиҳоди Аврупо барои Осиёи Марказӣ, ки соли 2019 қабул шуданд, равобити давлатҳои Осиёи Марказӣ ва Иттиҳоди Аврупоро танзим намуда, муносибатҳои дуҷонибаро ба таври густурда таҳким мебахшад.
Изҳор карда шуд, ки ҳамкорӣ байни Тоҷикистон ва Иттиҳоди Аврупо дар бахшҳои маориф, тандурустӣ, рушди деҳот, энергетика, ҳифзи муҳити зист ва захираҳои об, идоракунии сарҳадот, мубориза бар зидди маводи мухаддир ва ҷинояткорӣ, таъмини волоияти қонун ва нақлиёту коммуникатсия назаррас мебошад.
Ҳамкории Тоҷикистону Иттиҳоди Аврупо дар самти маориф дар доираи барномаҳои Темпус, Эразмус Мундус ва Эразмус+, ки барои ба ҳам овардани донишгоҳҳои Тоҷикистону Аврупо ва амалисозии барномаҳои таҳсилию табодули донишҷӯён мусоидат мекунанд, муҳим арзёбӣ гардид.
«Дар чаҳорчӯби барномаҳои мушаххаси дуҷониба ва байниминтақавӣ дар роҳи пешгирии таҳдидҳо Иттиҳоди Аврупо аз соли 2003 инҷониб барои таъмини амнияти минтақавӣ якчанд лоиҳаро мувофиқи «Барномаи мусоидат ба идораи марзҳои Осиёи Марказӣ» (БОМКА) ва «Барномаи пешгирии маводи мухаддир ба Осиёи Марказӣ» (CADAP) амалӣ менамояд, ки мо барои ин аз вакилони муҳтарам сипосгузорем»,- баён дошт Файзалӣ Идизода.
Муколама, ҷаласаҳои Шурои ҳамкорӣ, сафарҳои ҳайатҳо дар чорабиниҳои сатҳи баланд ва дигар шаклҳои дипломатияи байнипарлумонӣ, бахусус абзори мавҷуда ба рушди самтҳои калидии ҳамкории Тоҷикистон бо Иттиҳоди Аврупо мусоидат менамоянд.
Бахусус ҷаласаҳои Кумитаи ҳамкорӣ, ки мунтазам баргузор мегарданд, метавонанд ба пешрафти муносибатҳои тарафҳо такони ҷиддӣ бахшанд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар ҷаласаи кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология қонунҳои соҳавӣ баррасӣ гардиданд
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Оид ба таҳкими робитаҳои байнипарлумонӣ ва густариши ҳамкории дуҷонибаи Тоҷикистону Муғулистон вохӯрӣ доир шуд
Дар шаҳри Улан-Батори Муғулистон Форуми ҷаҳонии занони аъзои парлумон баргузор гардид
Дар шаҳри Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Файзалӣ Идизода бо иштирокчиёни Муколамаи чоруми минтақавӣ оид ба иқтисоди даврӣ дар Осиёи Марказӣ вохӯрӣ намуд
Ҷаласаи кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният доир шуд
Ҷаласаи навбатии кумита оид ба масъалаҳои иҷтимоӣ, ҳифзи сиҳатӣ, илм, маориф, фарҳанг ва сиёсати ҷавонону занони Маҷлиси миллӣ доир гардид
Ҷаласаи навбатии кумитаи Маҷлиси миллии Маҷлиси Олӣ доир гардид
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Иҷлосияи ҳафтуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
