Сокинони шаҳри Турсунзода соҳиби туҳфаи бебаҳо-«Шоҳнома»-и Абулқосим Фирдавсӣ гардиданд
ТУРСУНЗОДА, 25.09.2025 /АМИТ «Ховар»/. Давоми 3 рӯз аст, ки дар шаҳри Турсунзода тақдими китоби «Шоҳнома»-и Абулқосим Фирдавсӣ ба сокинони шаҳр идома дорад. Дар ин хусус ба мухбири минтақавии АМИТ «Ховар» Субҳониддини Маҳмуд аз Мақомоти иҷроияи ҳокимияти давлатии шаҳри Турсунзода иттилоъ доданд.
Китоби «Шоҳнома»-и Абулқосим Фирдавсӣ барои 60 ҳазору 683 хоҷагӣ ба шаҳри Турсунзода ворид гардид. Аз ҷониби Мақомоти иҷроияи ҳокимияти давлатии шаҳри Турсунзода гурӯҳи корӣ ташкил шуда, то имрӯз ба 22 ҳазору 640 хонавода ин туҳфаи арзишманди Президенти Тоҷикистон тақдим гардидааст.
Тақдими «Шоҳнома»-и безаволи Ҳаким Фирдавсӣ аз ҷониби Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба ҳар оилаи тоҷик хизмати беназир давоми қарнҳо барои халқи соҳибтамаддуни мо гардида, таҳрики бузурге дар таҳкими маънавиёту фарҳанги миллӣ ва бақои давлатдории тоҷикон мебошад.
Бояд гуфт, ки китоби «Шоҳнома»-и Абулқосим Фирдавсӣ яке аз асарҳои безаволи адабиёти тоҷик буда, арзишҳои таърихӣ, фарҳангӣ ва маънавии миллати тоҷикро инъикос менамояд. Пешвои миллат муҳтарам Эмомалӣ Раҳмон борҳо таъкид намудаанд, ки мутолиаи чунин китобҳо барои худшиносӣ, худогоҳӣ ва ифтихори миллӣ аҳамияти калон дорад.
Сокинони шаҳри Турсунзода ин китоби арзишмандро бо шодию сипос қабул намуда, ба Президенти Тоҷикистон муҳтарам Эмомалӣ Раҳмон барои тарғиби ватандӯстию худшиносии миллӣ ва тақдими китоби «Шоҳнома»-и Абулқосим Фирдавсӣ сипосу миннатдорӣ баён менамоянд.
АКС: Мақомоти иҷроияи ҳокимияти давлатии шаҳри Турсунзода
«ШОҲНОМА» — БУЗУРГТАРИН ҲАМОСАИ МИЛЛӢ. Ин асар шоҳкории беназири сатҳи ҷаҳонӣ эътироф гардидааст
Дар Душанбе таҳти унвони «Нақши «Шоҳнома» дар ташаккули ҷаҳонбинии ҷавонони Тоҷикистон» хониши сиёсӣ доир шуд
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
МАХЗАНИ ДОНИШ ДАР ҲАР ХОНАДОН. Ба 63 ҳазор оилаи ноҳияи Рӯдакӣ асари безавол — «Шоҳнома» тақдим мегардад
ЭМОМАЛӢ РАҲМОН — НАХУСТИН ҲИМОЯТГАРИ РАСМИЮ ДАВЛАТИИ «ШОҲНОМА». Андешаҳои шоҳномашинос Яъқуби Ясно дар ин маврид
Сокинони ноҳияи Исмоили Сомонии пойтахт соҳиби туҳфаи Президенти Тоҷикистон — «Шоҳнома»-и Ҳаким Фирдавсӣ шуданд
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Шарҳи Амри Президенти Ҷумҳурии Тоҷикистон
Амри Президенти Ҷумҳурии Тоҷикистон
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
