«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
ДУШАНБЕ, 23.09.2025. /АМИТ «Ховар»/. Имрӯз дар шаҳри Гулистони вилояти Суғд таҳти раёсати Ҷумҳурии Тоҷикистон дар мавзуи «Занон дар иқтисоди «сабз» ва рақамӣ» Форуми минтақавии Муколамаи занони Осиёи Марказӣ баргузор гардид.
Тавре ба АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд, дар форум беш аз 40 намояндаи давлатҳои Осиёи Марказӣ иштирок намуд.
Ҳадаф аз баргузории форум дастгирии ташаббусҳои занон дар соҳаи экология, технология ва соҳибкории устувор арзёбӣ гардид. Изҳор шуд, ки баргузории чунин форумҳо ба иштироки занон дар дигаргунсозии иқтисодӣ ва ҳамкории байниминтақавӣ мусоидат мекунад.
Мавзуи асосии форум аз тавонмандии занон дар рушди иқтисоди «сабз» дар Осиёи Марказӣ, соҳибкорӣ, роҳбарӣ дар самти иқлим, кишоварзии устувор, идоракунии захираҳои табиӣ, рақамикунӣ ва иқтисоди рақамӣ дар минтақа ва рушди малакаҳои рақамӣ иборат буд.
Форум ба платформаи муҳими минтақавӣ барои табодули дониш ва таҷрибаи пешқадам табдил ёфта, ба иштироки фаъолонаи занон дар рушди устувор, рақамисозӣ ва рушди навоварӣ дар кишварҳои Осиёи Марказӣ нигаронида шуд.
Тавсия ва пешниҳодҳое, ки аз ҷониби иштирокчиёни Форуми минтақавии Муколамаи занони Осиёи Марказӣ баён гардид, барои истифодаи минбаъда дар банақшагирии стратегӣ ба мақомоти дахлдори миллӣ ва сохторҳои шарики байналмилалӣ ирсол карда мешавад.
Ёдовар мешавем, ки соли 2024 Муколамаи занони давлатҳои Осиёи Марказӣ дар шаҳри Бишкеки Ҷумҳурии Қирғизистон баргузор гардид. Дар он ҷо иштирокчиён дар мавзуъҳои «Идораҳои патентӣ ва нақши онҳо дар дастгирии навовариҳои занон» ва «Сармоягузорони миллӣ ва нақши онҳо дар рушди инноватсия дар байни занон» ибрози назар намуданд.
Бояд гуфт, ки 22 сентябр дар доираи Муколамаи занони Осиёи Марказӣ барои меҳмонон дар шаҳри Хуҷанд бо мақсади тақвияти ҳамкории минтақавӣ ва пешбурди занон тавассути санъат, анъана ва эҷодкорӣ барномаи фарҳангӣ доир гардид.
Ҳамчунин намоиши ҳунарҳои мардумии занони шаҳру ноҳияҳои Тоҷикистон ташкил карда шуд. Зимни он меҳмонон бо маҳсули дасти занону духтарони тоҷик шинос гардиданд.
Форум бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Вазорати корҳои хориҷӣ, Вазорати молия, Бонки миллӣ, Мақомоти иҷроияи ҳокимияти давлатии вилояти Суғд ва ҳамоҳангӣ бо шарикони рушд баргузор гардид.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
