Ба муносибати Рӯзи Конститутсияи Ҷумҳурии Тоҷикистон конференсияи илмӣ-амалӣ доир гардид
ДУШАНБЕ, 25.10.2025 /АМИТ «Ховар»/. Дар шаҳри Душанбе бахшида ба Рӯзи Конститутсияи Ҷумҳурии Тоҷикистон таҳти унвони «Таҳкими арзишҳои конститутсионӣ ва таъмини волоияти Конститутсия – заминаи рушди босуботи давлат» конференсияи илмӣ-амалӣ баргузор гардид. Дар ин хусус ба АМИТ «Ховар» аз Суди конститутсионии Ҷумҳурии Тоҷикистон хабар доданд.
Зимни ҳамоиш иброз гардид, ки қабули Конститутсияи Ҷумҳурии Тоҷикистон яке аз рӯйдодҳои тақдирсоз дар таърихи давлатдории навини тоҷикон буда, заминаи устувори рушди давлати ҳуқуқбунёд ва демократиро фароҳам овард.
«Татбиқи муваффақонаи меъёрҳои Конститутсия ба пойдории сулҳу субот, ваҳдати миллӣ ва болоравии эътибори байналмилалии Тоҷикистон мусоидат намуд. Суди конститутсионӣ ҳамчун ниҳоди мустақили ҳокимияти судӣ дар таъмини волоияти Конститутсия ва ҳифзи ҳуқуқҳои инсон нақши муҳим дорад», — баён карда шуд дар конференсия.
Таъкид гардид, ки Конститутсияи Ҷумҳурии Тоҷикистон ҳамчун бахтномаи миллат ва шиносномаи давлат ба рушди устувори ҷомеа, таъмини амният ва ҳаёти орому ободи мамлакат замина гузоштааст.
Дар идома иштирокчиён дар мавзуъҳои марбут ба нақши Конститутсия дар таҳкими давлатдории миллӣ, таъмини волоияти қонун, рушди мақомоти давлатӣ ва ҳифзи ҳуқуқу озодиҳои инсон маърузаҳои илмӣ намуданд.
АКС: Суди конститутсионии Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
