Байни Донишгоҳи давлатии омӯзгории Тоҷикистон ва Донишгоҳи миллии Ҷонбуки Корея ёддошти тафоҳум ба имзо расид
ДУШАНБЕ, 06.10.2025. /АМИТ «Ховар»/. Байни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи миллии Ҷонбуки Ҷумҳурии Корея ёддошти тафоҳум ба имзо расид. Дар ин хусус ба АМИТ «Ховар» аз ин донишгоҳ хабар доданд.
Ёддошти тафоҳум аз ҷониби ректори Донишгоҳи давлатии омӯзгории Тоҷикистон Аҳлиддин Ибодуллозода ва президенти Донишгоҳи миллии Ҷонбук О-Бонг Янг имзо гардид.
Ҷонибҳо зимни имзои ёддошти тафоҳум доир ба масъалаҳои муҳими ҳамкорӣ изҳори назар намуда, аз ҷумла ба баргузории конфронсҳои байналмилалии муштарак, ташкили даврҳои такмили ихтисос барои омӯзгорон, табодули донишҷӯёну устодон ва тавсеаи робитаҳои минбаъда изҳори ризоият карданд.
Ҳамзамон президенти Донишгоҳи миллии Ҷонбуки Ҷумҳурии Корея О-Бонг Янг бо унвони ифтихории «Доктори фахрӣ»-и Донишгоҳи давлатии омӯзгории Тоҷикистон сарфароз гардонида шуд.
Ин иқдом дар заминаи густариши ҳамкории дуҷониба амалӣ гардида, барои таҳкими муносибатҳои дӯстона ва тавсеаи робитаҳои илмӣ-таҳсилотӣ нақши калидӣ дорад.
Ёдовар мешавем, ки унвони ифтихории «Доктори фахрӣ»-и Донишгоҳи давлатии омӯзгории Тоҷикистон имсол таъсис дода шуда, бори нахуст ба президенти Донишгоҳи миллии Ҷонбук О-Бонг Янг супурда шуд.
Донишгоҳи миллии Ҷонбук яке аз донишгоҳҳои пешсаф ва бонуфузи давлатии Ҷумҳурии Корея ба шумор рафта, ҳоло дар он зиёда аз 30 000 донишҷӯ таҳсил мекунанд, ки аз кишварҳои хориҷӣ, аз ҷумла аз давлатҳои Осиё, Аврупо ва Амрико мебошанд.
Донишгоҳи миллии Ҷонбук дар самти рушди илмҳои муосир, таҳқиқоти инноватсионӣ ва татбиқи технологияҳои навин нақши муҳим дорад. Лабораторияҳо ва марказҳои таҳқиқотии он бо таҷҳизоти замонавӣ таъмин буда, муҳаққиқон ва донишҷӯёнро ба фаъолияти илмӣ ва амалии сатҳи байналмилалӣ ҷалб менамоянд.
АКС: Донишгоҳи давлатии омӯзгории Тоҷикистон ба номи Садриддин Айнӣ
Бахшида ба Рӯзи Парчами давлатӣ ҳамоиши тантанавии «Ҷавонон-созандагони НБО-и «Роғун»» баргузор гардид
Дар Литсей барои хонандагони болаёқат дар шаҳри Душанбе бахшида ба Рӯзи Парчами давлатӣ ҳамоиш баргузор гардид
Маркази барномаҳои байналмилалии Тоҷикистон ва Донишгоҳи Сент-Ҷорҷи Гренада ҳамкориро густариш медиҳанд
Намояндаи Академияи миллии илмҳои Тоҷикистон дар ҷаласаи Шуро оид ба ҳамкорӣ дар соҳаи илмҳои бунёдӣ дар Москва иштирок намуд
Дар Коллеҷи омӯзгории шаҳри Душанбе Маркази омӯзиши забони олмонӣ таъсис дода мешавад
Дар Донишгоҳи технологии Тоҷикистон бахшида ба Рӯзи Парчами Тоҷикистон конференсияи илмӣ-амалӣ баргузор шуд
Дар Донишгоҳи давлатии Бохтар ба шарафи Рӯзи Парчами давлатии Тоҷикистон ҳамоиш доир шуд
Намояндагони Донишгоҳи давлатии Кӯлоб дар мусобиқаи ҷумҳуриявӣ 4 медали тилло ба даст оварданд
Дар ҶСК «Шабакаҳои тақсимоти барқ» дар шаҳри Душанбе филиали кафедраи электроэнергетикаи Коллеҷи техникӣ таъсис дода шуд
Байни Донишгоҳи байналмилалии забонҳои хориҷии Тоҷикистон ва Донишгоҳи байналмилалии Остонаи Қазоқистон созишнома ба имзо расид
ИМТИЁЗИ БЕШТАР. Ба 434 довталаби Озмуни ҷумҳуриявии «Фурӯғи субҳи доноӣ китоб аст» Сертификат тақдим мегардад
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Айнӣ шумораи муассисаҳои соҳаи маориф меафзояд
