Байни вазоратҳои тандурустии Тоҷикистон ва Русия Харитаи роҳ барои солҳои 2026-2027 ба имзо расид
ДУШАНБЕ, 09.10.2025 /АМИТ «Ховар»/. Имрӯз Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Вазири тандурустии Федератсияи Русия Михаил Мурашко ва намояндагони Хадамоти федералии ҳифзи ҳуқуқи истеъмолкунандагон ва беҳдошти инсон (Роспотребнадзор)-и Федератсияи Русия мулоқот намуд, ки зимни он Харитаи роҳ барои солҳои 2026-2027 ба имзо расид. Дар ин хусус ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Ҷамолиддин Абдуллозода ба ҳайати Вазорати тандурустии Федератсияи Русия барои иштироки фаъолона дар ҷаласаи 38-уми Шурои ҳамкорӣ дар соҳаи тандурустии давлатҳои Иттиҳоди Давлатҳои Мустақил, ки 2-3 октябр дар шаҳри Душанбе доир шуд, изҳори миннатдорӣ намуд.
Соли 2023 байни Тоҷикистону Русия Созишномаи байниҳукуматӣ дар соҳаи тандурустӣ, таҳсилоти тиббӣ ва илмӣ ба имзо расида, дар баробари ин дар ҳошияи Ассамблеяи умумиҷаҳонии тандурустӣ соли 2024 дар шаҳри Женеваи Швейтсария Харитаи роҳ барои марҳила ба марҳила татбиқ гаштани он тасдиқ гардид.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон иброз намуд, ки мо ба фаъолияти муштарак дар якчанд самтҳо, аз қабили мубориза бо бемориҳои сироятӣ ва аз ҷиҳати иҷтимоӣ аҳамиятнок, табобати бемориҳои дил ва саратон, рақамикунонии соҳаи тандурустӣ ва истифодаи технологияҳои телетиб аҳамияти махсус медиҳем.
Ҳамзамон дар вохӯрӣ тавсеаи ҳамкорӣ дар соҳаи табодули академӣ ва татбиқи лоиҳаҳои муштараки таҳқиқотӣ мавриди баррасӣ қарор дода шуд.
Таъкид гардид, ки давоми чанд соли охир ҳамтоён аз Марказ ба номи Кулакови ин кишвар дар Ҷумҳурии Тоҷикистон даврҳои омӯзишӣ ташкил намуданд. Ин даврҳои омӯзишӣ ба беҳтар шудани вазъи соҳаи ҳифзи саломатии модару кӯдак дар мамлакат мусоидат мекунанд.
Ҷонибҳо изҳори итминон намуданд, ки мулоқоти имрӯза дар рушди ҳамкории дуҷониба қадами муҳим гузошта, ба густариши ҳамкории ду давлат дар соҳаи тандурустӣ мусоидат мекунад.
Зимни мулоқот бо назардошти таъмини рушди минбаъдаи ҳамкорӣ ва дастгирии татбиқи созишномаи байниҳукуматӣ аз ҷониби Вазири тандурустӣ ва ҳифзи иҷтимоии аҳолии Ҷумҳурии Тоҷикистон ва Вазири тандурустии Федератсияи Русия Харитаи роҳ барои солҳои 2026-2027 ба имзо расид.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
