Дар Душанбе ҷаласаи Шурои вазирони корҳои хориҷии кишварҳои иштирокдори ИДМ доир шуд
ДУШАНБЕ, 09.10.2025. /АМИТ «Ховар»/. 9 октябри соли 2025 дар шаҳри Душанбе таҳти раёсати Вазири корҳои хориҷии Ҷумҳурии Тоҷикистон Сироҷиддин Муҳриддин ҷаласаи навбатии Шурои вазирони корҳои хориҷии кишварҳои иштирокдори Иттиҳоди Давлатҳои Мустақил баргузор гардид, хабар медиҳад АМИТ «Ховар».
Зимни ҷаласа роҳбарони ниҳодҳои сиёсати хориҷӣ доир ба масъалаҳои муҳими рӯзномаи байналмилалӣ ва минтақавӣ табодули афкор анҷом дода, ба таъмини амнияти минтақавӣ, рушди ҳамкории иқтисодӣ, гуманитарӣ ва такмили механизмҳои ҳамкорӣ дар доираи Иттиҳод таваҷҷуҳи махсус зоҳир намуданд.
Сироҷиддин Муҳриддин ба иштирокдон дар бораи рӯйдодҳои асосӣ, ки дар давраи раёсати Тоҷикистон дар Иттиҳоди Давлатҳои Мустақил татбиқ шуданд, маълумот пешниҳод намуд.
Аҳамияти талошҳои ҳамоҳангшуда барои муқовимат бар зидди хавфу таҳдидҳои замони муосир, ҳамчунин баланд бардоштани самаранокии тадбирҳои таҳкими амнияти минтақа таъкид карда шуд.
Таваҷҷуҳи хосса ба баланд бардоштани самаранокии фаъолияти мақомоти Иттиҳоди Давлатҳои Мустақил дар шароити мутобиқшавӣ ба воқеияти муосир зоҳир гардид.
Вазирон инчунин аҳамияти тавсеаи ҳамкории амалиро дар самтҳои афзалиятнок таъкид намуданд.
Яке аз масъалаҳои муҳими рӯзномаи ҷаласа баррасии муроҷиати Созмони ҳамкории Шанхай оид ба дарёфти мақоми нозир дар доираи Иттиҳоди Давлатҳои Мустақил ва таъсиси қолаби нави ҳамкорӣ «ИДМ +» буд.
Аз рӯйи натиҷаҳои ҷаласа қарорҳои дахлдор оид ба такмили минбаъдаи фаъолияти Иттиҳоди Давлатҳои Мустақил ва таъмиқи ҳамкории бисёрҷанбаи кишварҳои узви Иттиҳод қабул гардиданд.
АКС: АМИТ «Ховар»
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
