Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд

ДУШАНБЕ, 28.10.2025. /АМИТ «Ховар»/. 50 нафар корманду омӯзгори муассисаҳои таҳсилоти ибтидоии касбии вилояти Суғд зимни машварати омӯзишӣ соҳиби сертификат гардиданд. Дар ин хусус АМИТ «Ховар» бо истинод ба Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар медиҳад.

Машварати омӯзишӣ 24-25 октябр дар доираи Лоиҳаи Иттиҳоди Аврупо барои таҳкими таҳсилоти касбии фарогир барои омӯзгорони фанҳои тахассусӣ ва устоҳои таълими истеҳсолӣ гузаронида шуд.

Ҳадафи машварати омӯзишӣ ҷорӣ намудани усулҳои муосири таълим, методологияи таълим дар асоси салоҳият, амалишавии нақша ва барномаҳои таълимии модулӣ, рақамикунонии соҳаи таҳсилоти ибтидоии касбӣ, таъмини таҳсилоти босифат, дастрас ва фарогир мебошад.

АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон