Дар Тоҷикистон дар нуҳ моҳ гирифторӣ ба бемориҳои шадиди рӯда зиёд шудааст
ДУШАНБЕ, 26.10.2025. /АМИТ «Ховар»/. Аз моҳи январ то сентябри соли 2025 дар мамлакат гирифтории аҳолӣ ба бемориҳои сироятӣ 13,6 фоиз зиёд шудааст. Инчунин дар ин давра ба бемориҳои шадиди рӯда 11 ҳазору 981 нафар гирифтор шудаанд, ки нисбат ба соли 2024 122,0 фоиз зиёд гардидааст. Дар ин хусус ба АМИТ «Ховар» аз Агентии омори назди Президенти Ҷумҳурии Тоҷикистон иттилоъ доданд.
Бемориҳои рӯда боиси дарунравии шадид мегарданд. Нишонаҳои ин беморӣ дамиши шикам, дарди шикам, беҳолӣ, баландшавии ҳарорати бадан, дилбеҳузурӣ, қайкунӣ ва дарунравии тез-тез мебошанд. Инчунин фишори хун паст шуда, набз тез- тез мезанад. Даҳон, лабон ва пӯсти бемор хушк мешавад.
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон имсол дар фасли тобистон барои пешгирии бемориҳои дарунравӣ ва сари вақт табобат намудани беморон дар муассисаҳои тандурустии мамлакат 1227 нуқтаи регидрататсияи (обнӯшонии) даҳонӣ ва 2 115 кат ташкил намуд.
Омили асосии дарунравӣ микробҳое мебошанд, ки дар наҷосат ҷойгир шуда, ба организм ба воситаи даҳон дохил мешаванд. Микробҳо асосан аз риоя накардани қоидаҳои гигиенӣ ва истеъмоли ғизои нодуруст пайдо мешаванд.
Тибқи маълумоти Созмони ҷаҳонии тандурустӣ, ҳар сол дар дунё дар кӯдакони то 5-сола тақрибан 110 миллион ҳолати дарунравии сабук, 10 миллион ҳолати дарунравии миёна ва 9 миллион ҳолати шадиди сироятии ротавирусҳо пайдо мешавад.
Ба тавсияи табибон, иммунизатсия самараноктарин роҳи ҳифзи кӯдакон аз сирояти ротавирусӣ мебошад. Тоҷикистон дар минтақаи аврупоии Созмони ҷаҳонии тандурустӣ чордаҳумин давлат аст, ки аз соли 2015 ваксинаи зидди ротавирусиро ба Тақвими миллии иммунизатсия ворид намудааст. Тибқи тақвими миллӣ, тамоми кӯдакон дар 2-моҳагӣ ва 4-моҳагӣ бар зидди сирояти ротавирусӣ эм карда мешаванд.
Бояд хотиррасон намуд, ки истеъмоли ғизо ҷисми инсонро бо моддаҳои барои фаъолияти организм зарурӣ таъмин мекунад. Инчунин дар баъзе ҳолатҳо ношуста истеъмол намудани меваю сабзавот низ метавонад сабаби пайдо шудани бемории дарунравӣ гардад.
АКС: АМИТ «Ховар»
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
