Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ДУШАНБЕ, 30.10.2025. /АМИТ «Ховар»/. Ҳайати Тоҷикистон таҳти роҳбарии Раиси Палатаи ҳисоби Ҷумҳурии Тоҷикистон Ҷамшед Каримзода дар Конгресси XXV Созмони байналмилалии мақомоти олии аудит (INTOSAI) дар шаҳри Шарм-аш-Шайхи Ҷумҳурии Арабии Миср иштирок менамояд. Дар ин хусус ба АМИТ «Ховар» аз бахши иттилоот ва кор бо воситаҳои ахбори оммаи Палатаи ҳисоб хабар доданд.
Дар ифтитоҳи кори ин чорабинӣ Сарвазири Ҷумҳурии Арабии Миср Мустафо Матбулӣ иштирок ва суханронӣ намуда, нақши Мақомоти олии аудитро дар таҳким ва рушди иқтисодиёти кишварҳои аъзои созмон муҳим арзёбӣ намуд.
Таъкид кардан ба маврид аст, ки дар Конгресси мазкур роҳбарон ва намояндагони мақомоти олии аудити 195 давлати аъзои Созмони Миллали Муттаҳид иштирок намуда, зимни он масъалаҳои муҳими соҳаи аудити давлатӣ мавриди баррасӣ қарор дода мешавад.
Ёдовар мешавем, ки конгресси Созмони байналмилалии мақомоти олии аудит дар 3 сол як маротиба баргузор мегардад. Палатаи ҳисоби Ҷумҳурии Тоҷикистон ба ҳайси аъзои комилҳуқуқи Созмони байналмилалии мақомоти олии аудит аз соли 2013 дар чорабиниҳои ин созмон иштирок намуда, дар пешбурди фаъолияти он саҳми назаррас дорад.
Конгресси навбатии созмон 27 октябр оғоз гардида, то 31 октябр идома меёбад.
АКС: Бахши иттилоот ва кор бо воситаҳои ахбори оммаи Палатаи ҳисоб
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
